![Satirik Tofiq Həsənlinin apellyasiya şikayətinə baxış yekunlaşıb](https://turan.az/resized/media/2016/main/121900178360-750-500-resize.webp)
Satirik Tofiq Həsənlinin apellyasiya şikayətinə baxış yekunlaşıb
Dekabrın 19-da Şirvan Apellyasiya Məhkəməsində hakim Ələsgər Novruzovun sədrliyi ilə böyük miqdarda narkotik maddələrin qanunsuz dövriyyəsi ittihamı ilə 6 il müddətinə azadlıqdan məhrum edilmiş satirik şair Tofiq Həsənlinin şikayətinə baxış davam edib.
Satirikin vəkili Elçin Sadıqovun Turan-a verdiyi məlumata görə, iclasda müdafiə tərəfinin vəsatəti ilə Azərbaycan Daxili İşlər Nazirliyinin Baş Narkotiklərə qarşı Mübarizə İdarəsinin Cənub bölgəsi üzrə idarəsinin əməliyyatçısı Fəxri Qasımov dindirilib.
Sadıqovun sözlərinə görə, bu polis əməkdaşı Həsənlinin saxlanılması üzrə əməliyyata rəhbərlik edib, hansı ki, əməliyyat-axtarış tədbirinin rəhbəri olaraq Daxili İşlər Nazirliyinin Baş Narkotiklərə qarşı Mübarizə İdarəsinin öz əməkdaşı Elman Tərlanov təyin edilib.
Vəkil qeyd edib ki, Qasımov bunu "rütbəcə ondan böyük olan şəxsə" əziyyət verməmək üçün bu işi öz üzərinə götürmək qərarına gəlməsi ilə izah edib.
Qasımov həmçinin hal şahidləri Qasım Fərzullayevdən və Balaxan Hüseynovdan başqa cinayət işlərində də şahid kimi istifadə etdiyini inkar etməyib. Yəni əməliyyatçı faktiki olaraq təsdiq edib ki, hal şahidləri polisin bu qisimdə tez-tez istifadə etdikləri insanlar idi.
Müdafiə tərəfi digər əməliyyatçıların da çağırılması haqqında vəsatət qaldırıb. Amma, hakim vəsatəti təmin etməyib və şikayətə mahiyyəti üzrə baxılmasının yekunlaşdığını elan edib.
Tərəflərin yekun çıxışları və hökmün elan edilməsi dekabrın 22-nə təyin olunub.
Tofiq Həsənli 2016-cı il avqustun 22-də qanunsuz narkotik dövriyyəsi ittihamı ilə 6 il müddətinə azadlıqdan məhrum edilib. Həsənli hakimiyyətin və dövlət məmurlarının ünvanına tənqidi şerləri ilə məşhurdur.
2005-ci ildə o, artıq narkotikə görə üç il müddətinə azadlıqdan məhrum edilib, amma 2007-ci ildə amnistiya ilə azadlığa buraxılıb.
Həsənli facebook və youtube-da satiraları dərc etməyə davam edib. 2015-ci ilin yanvarında o həbslə hədələndiyini bildirib, oktyabrda isə həbs edilib.-06B-
-
- İqtisadiyyat
- 19 Dekabr 2016 19:05
-
- Siyasət
- 19 Dekabr 2016 22:57
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz