Bakı/20.12.18/Turan: DİN Baş Mütəşəkkil Cinayətkarlıqla Mübarizə İdarəsinin əməkdaşları Bakıya satmaq üçün 42 min saxta avro gətirən bir qrup şəxsi saxlayıb.
DİN mətbuat xidmətinin məlumatına görə, sözügedən idarəyə məlumat daxil olub ki, banklardan birində Fərhad və Asəf adlı şəxslər 17 000 avronu 32 606 manata mübadilə ediblər. Sonradan 500 avroluq əskinasların saxta olduğu müəyyən edilib.
Əəməliyyat-axtarış tədbiri nəticəsində saxta pulların satışında şübhəli bilinən Bakı şəhər sakini Asəf Novruzov və Lənkəran şəhər sakini Fərhad Həsənzadə saxlanılıblar. Onların Bakıdakı ofisinə baxış zamanı daha 25 min saxta avro v digər maddi sübutlar götürülüb.
Saxlanılan şəxslər ilkin ifadələrində bildiriblər ki, saxta əskinasları Bakıya Türkiyədən gətiriblər. Ekspertiza müəyyən edib ki, əskinasların müdafiə nişanları və eskizləri xüsusi üsulla hazırlanıb. İlk baxışdan həmin pulların saxta olmasını müəyyən etmək mümkün deyil.
Fakt üzrə CM-in 204.2-ci maddəsi (saxta pulların hazırlanması) ilə cinayət işi başlanıb.
F.Həsənzadə və A.Novruzovun barəsində həbs qətimkan tədbiri seçilib.-16D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz