Sayt rəhbəri hakim partiya funksionerini pornovideo ilə şantaj edib /YENİLƏNİB/

Bakı/10.09.21/Turan:  Azadinfo.az  saytının  təsisçisi Mahir ələkbərov (Xəttab) hakim Yeni Azərbaycan Partiyası Binəqədi şöbəsinin sədri Ramiz Göyüşevi şantaj etdiyinə görə saxlanılıb. Bu barədə Baş Prokurorluğun mətbuat xidmətinin məlumatında deyilir.

Məlumatda qeyd olunur ki, sentyabrın 8 - də ələkbərov Göyüşova bildirib ki, əgər ona pul verməsə, barəsində pornovideo dərc edəcək.  Ancaq Göyüşov imtina edib və həmin i gün video azadinfo.az saytında yayımlanıb.

Ələkbərov Göyüşovu  təkrar görüşə çağıraraq, videonu götürmək üçün 2 min manat tələb edib.  Pulu alarkən isə cinayət başında yaxalanıb.

Bu gün ona qarşı Cinayət Məcəlləsinin 182.1-ci maddəsilə (hədə-qorxu ilə tələb etmə) ittiham irəli sürülüb, məhkəmənin qərarı ilə həbs edilib.

Göyüşova gəlincə, bu gün "təşkilatın nüfuzdan salınması"na görə  partiyadan çıxarılıb. Ələkbərovun həbsinə baxmayaraq, video İnternetdə yayılıb. –21D-

*   *   *

2021 Sentyabr 10 (Cümə) 12:46:09

Baş Prokurorluq Azadinfo.az saytının təsisçisini saxlayıb

Bakı/10.09.21/Turan: Azadinfo.az saytının rəhbəri Mahir Xəttab hədə-qorxu ilə tələb etməkdə şübhəli bilinərək saxlanılıb.

Araşdırma Azərbaycan baş prokuroru yanında Korrupsiyaya Qarşı Mübarizə İdarəsində aparılır.

Baş Prokurorluğun mətbuat xidmətindən saxlanma faktını təsdiqləyiblər, lakin detalları açıqlamayıblar. Bildiriblər ki, daha sonra ictimaiyyətə əlavə məlumat veriləcək.

Qeyd edək ki, son vaxtlar geniş auditoriyaya çox məlum olmayan bəzi saytların rəhbərləri analoji ittihamlarla həbs edilib.—06D-