Sayt rəhbəri karserə salınıb
Gəncə İstintaq Təcridxanasında saxlanılan demokratik.az saytının rəhbəri Osman Nərimanoğlu üç günlük karserə salınıb. Həyat yoldaşı Arzu Rzayevanın verdiyi məlumata görə, onun cəzalandırılmasına səbəb vəziyyəti kəskin pisləşən kamera yoldaşına tibbi yardım göstərilməməsindən Osmanın qəzəblənməsi olub.
Osmanın cəza kamerasına salınması onun səhhəti üçün təhlükə yaradır, çünki onun da səhhətində problemlər var, deyə həyat yoldaşı qeyd edib.
* Osman Nərimanoğlu 5 iyul 2022-ci il tarixində pul tələb etmə ittihamı ilə həbs olunub. Həbsindən sonra o, ittihamın yalann olduğunu və saytda korrupsiya faktları haqqında materiallar dərc etdiyi Meliorasiya İdarəsinin məmurlarının, habelə Goranboy və Göygöl rayonunun həkimlərinin ona böhtan atdığını bildirib.
Yanvarın 25-də məhkəmə onu 6,5 il müddətinə azadlıqdan məhrumetmə cəzasına məhkum edib. Hüquq müdafiəçiləri Osman Nərimanoğlunu siyasi məhbus kimi tanıyıblar.
Cəmiyyət
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
Rəy yaz