![Sayt rəhbərinə 5 il 6 ay həbs cəzası kəsildi](https://turan.az/resized/media/2019/main/061200019619-750-500-resize.webp)
Sayt rəhbərinə 5 il 6 ay həbs cəzası kəsildi
Bakı/12.06.19/Turan: Realliq.info saytının həbsdə olan baş redaktoru İkram Rəhimova 5 il 6 ay həbs cəzası kəsilib. İyunun 12-də Bakı Ağır Cinayətlər Məhkəməsində ona hökm oxunub. İ.Rəhimov CM-in 182-ci maddəsi ilə - rəhbərlik etdiyi saytda müxtəlif adamlar haqqında onları rüsvay edən materiallar yaymaqla hədələyib, pul almaqda təqsirli bilinib.
Lakin o, özünü təqsirli bilmir. Hökmdən öncə məhkəmədə son sözündə də deyib ki, bu gün həbsdə olmasının səbəbi cinayət törətməsi yox, prezidentin köməkçisi Əli Həsənov və adamlarının maraqlarına toxunması, dövlət büdcəsindən mediaya ayrılan pulların mənimsənilməsi barədə araşdırma yazılarıdır: "Təsadüfi deyil ki, 26 oktyabrda realliq.info saytında "Əli Həsənova açıq məktub - özümü sizin yerinizə qoya bilmədim" başlıqlı yazıdan dörd saat sonra həbs olundum".
İ.Rəhimov ötən ilin oktyabrında Dövlət Təhlükəsizliyi Xidmətinin (DTX) əməkdaşları tərəfindən həbs olunub. İttihamda yazılıb ki, o, saytda tabeliyində olan şəxslərlə birlikdə realliq.info və başqa reket saytlar yaradıb. Həmin portallarda müxtəlif adamlar haqqında rüsvayedici məlumatlar yaymaqla hədələyib, onlardan pul alıb. Hədələnən adamların sonradan DTX-ya şikayət etdiyi və bunun əsasında əməliyyat keçirildiyi bildirilir.
Amma İ.Rəhimov ittihamı rədd edir və prezidentin köməkçisi Əli Həsənov və Mətbuat Şurasının sədri Əflatun Amaşovun sifarişi ilə həbs olunduğunu iddia edir. O, həbsindən öncə "Turan" informasiya agentliyinə izlənməsi barədə açıqlama verib.-021C-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz