![Seçkilərə dair şikayətlərin araşdırılmasında veb-kameralardakı yazılardan istifadə oluna bilər](https://turan.az/resized/media/2013/main/072000043197-750-500-resize.webp)
Seçkilərə dair şikayətlərin araşdırılmasında veb-kameralardakı yazılardan istifadə oluna bilər
Rəsmi dövlət orqanı olan “Azərbaycan” qəzetində seçki məntəqələrində veb-kameraların quraşdırılmasına və istifadəsinə dair qaydalar dərc olunub. Qaydalar MSK tərəfindən təsdiqlənib.
Veb-kameralar seçkilərə ictimai inamın artırılması məqsədilə quraşdırılır.
Qaydalara görə, veb-kameralar elə yerləşdirilməlidir ki, onun vasitəsilə seçicilərə seçki bülletenlərini verən və seçki sənədləri ilə iş prosesini həyata keçirən məntəqə seçki komissiyası üzvlərinin əyləşdikləri və səslərin sayılması həyata keçirilən masaları və daşınmaz seçki qutusunu izləmək mümkün olsun.
Kameralardakı videoyazılar 5 il müddətində saxlanılır və şikayətlərin araşdırılmasında istifadə edilə bilər.
Bundan əvvəl MSK mətbuat xidmətinin katibi Azər Sarıyev bildirib ki, oktyabrda keçiriləcək prezident seçkilərində seçki məntəqələrinin 20 faizi veb-kamera ilə təchiz edilə bilər
Azərbaycanda keçirilən əvvəlki seçkilərdə seçki məntəqələrinin cəmi 10 faizində veb-kameralar quraşdırılmışdı. 125 seçki dairəsində seçki məntəqələrinin ümumi sayı 5300 ədəd təşkil edir. —06D--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz