Prezident İlham Əliyev Xankəndidə səs verir. 7 fevral 2024

Prezident İlham Əliyev Xankəndidə səs verir. 7 fevral 2024

Mərkəzi Seçki Komissiyasının (MSK) açıqlamasına görə, fevralın 7-də Azərbaycanda keçirilən növbədənkənar prezident seçkilərinin ilkin nəticələrinə əsasən, hazırkı prezident İlham Əliyev 92.05 faizlə irəlidədir. Digər namizədlər isə 0.53-2.18 aralığında faiz toplaya biliblər.

MSK-nın açıqladığı son məlumatlara görə, məntəqələrin 93.3 faizinin nəticəsi artıq məlumdur.

Ekspertlər və siyasilər isə seçki prosesini birmənalı dəyərləndirmirlər.

Hakim Yeni Azərbaycan Partiyasından deputat Naqif Həmzəyev Turana bildirib ki, Azərbaycan xalqı Azərbaycana zəfər qazandıran, ölkənin suverenliyini bərpa edən Prezident İlham Əliyevə bir daha öz etimadını göstərdi: “Biz inanırıq ki, növbəti müddətdə cənab Prezident Azərbaycan qarşısında duran digər məsələləri də uğurla həll edəcək və Azərbaycanın gücünə güc qatacaq. İlkin nəticələrə görə, cənab Prezident qalibdir və mən bu münasibətilə Azərbaycan xalqını və cənab İlham Əliyevi ürəkdən təbrik edirəm”.

Deputat qeyd edib ki, Azərbaycan regionun lideri statusunu qoruyub saxlamaqla yanaşı azərbaycanlıların sosial rifahı daha da yaxşılaşacaq: “Bütün bu məsələləri yalnız cənab İlham Əliyev bacara bilərdi və buna görə də Azərbaycan xalqı ona növbəti dəfə etimadını göstərdi”.

N.Həmzəyev hesab edir ki, seçki nəticələrinə heç kimin və heç bir şübhəsi ola bilməz.

Milli Məclisin Hüquq siyasəti və dövlət quruculuğu komitəsinin üzvü Fəzail Ağamalı da Turana bildirib ki, növbədənkənar prezident seçkiləri zamanı aparılmış çoxsaylı müşahidələr göstərir ki, bu seçki həqiqətən də yüksək səviyyədə keçirilib: “1-2 epizodik texniki səhvlər ola bilər, bu hər zaman mümkündür. Amma fundamental xarakter daşıyan və hansısa seçki dairənin, seçki məntəqənin fəaliyyətinə kölgə salan və orada seçki nəticələrini ləğv edə biləcək heç bir pozuntuya yol verilməyib”.

Bir sıra müxalif qüvvələr isə seçkilərin nəticələrini tanımadıqlarını açıqlayıblar. Milli Şura bəyan edib ki, bu növbədənkənar prezident seçkisinin nəticələri öncədən bəlli idi: "Əldə olunan məlumatlar da təsdiq edir ki, təhsil müəssisələrindən tutmuş, dövlət orqanlarında çalışanlara, özəl sektorda işləyən ən müxtəlif təbəqələrdən olan şəxslərə qədər çox sayda insana səsvermə məntəqələrinə getmək üçün inzibati resurslardan istifadə edilərək təzyiq göstərilib".

Açıqlamaya görə, buna baxmayaraq yenə də seçici fəallığını təmin edə bilməyən hakimiyyət xüsusi hazırlanmış mütəşəkkil dəstələrin "karusel" qaydasında təkrar-təkrar müxtəlif məntəqələrdə səs verməsini təşkil edib.

Vətəndaş Hüquqları İnstitutunun rəhbəri Bəşir Süleymanlı isə AzadlıqRadiosuna bildirib ki, növbədənkənar prezident seçkiləri əvvəlki seçkilərdən bir elə də fərqlənməyib.

Ekspertin sözlərinə görə, bu seçkilərdə digər seçkilərdən bir fərqlilik var idi: "Açılan andan seçki məntəqələrinə bütün inzibati resurslardan istifadə etməklə iş yerlərindən, dövlət müəssisələrindən insanları səfərbər etmişdilər. Ona görə də belə kütləvilik yarandı".

1 rəy

Rəy yaz

Cəmiyyət

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti