![Şəhid ailələri Hərbi Prokurorluğu saxtakarlıqda ittiham etdilər](https://turan.az/resized/750/500/resize/media/2013/main/102800055338.jpg)
Şəhid ailələri Hərbi Prokurorluğu saxtakarlıqda ittiham etdilər
“Atəşkəs dövründə həlak olan əsgərlərin hüquqlarının müdafiəsinə dəstək” İctimai Birliyi bazar ertəsi RATİ-də mətbuat konfransı keçirib.
Birliyin sədri Bəyalı Əzizov bu sahədə problemlərin qaldığını, ən əsası isə əsgərlərin müəmmalı ölümlərinin davam etdiyini vurğulayıb. Bu müəmmalı ölümlərin davam etməsinə səbəb kimi baş vermiş ölümlərin obyektiv və ədalətli araşdırılmaması göstərilib. Baş verən ölümlərlə bağlı ölkə Hərbi Prokurorluğu cinayətlərin üstünü açmaqda maraqlı olmamaqda, əsassız itithamlarla cinayətin motivini gizlətməkdə ittiham edilib. Belə ədalətsizlik, yalan ittihamlarla üz-üzə qalan bir sıra valideynlər haqsızlığa dözə bilməyərək dünyalarını dəyişiblər.
Mətbuat konfransında kütləvi ölümlərlə müşayət edilən 2010-cu ilin Daşkəsən, 2011-ci ilin Murov hadisələrinin səbəblərinin hələ də açılmadığı qeyd edilib. Bəzi valideynlərin əksər hallarda əsgər ölümlərinin daxili orqanların satılması məqsədilə törədildiyinə iddia ediblər. Bir qisim ölümlərə səbəb kimi hərbi hissənin daxilində törədilən zorakılıqlar səbəb göstərilib. Bəzi hallarda bu ölümlərə idarələrarası marqaların toqquşması səbəb olub.
Hərbi Prokurorluqdan dövlət başçısına qədər bütün instansiyalara müraciət etdiklərini deyən valideynlər hər yerdə biganəlik və laqeydliklə rastlaşdıqlarını söyləyiblər. Dövlət səviyyəsində belə biganəliklə rastlaşdıqlarını deyən valideynlər əsgər ölümlərinə etiraz olan kütləvi aksiyalarda iştirak etdiklərini bildiriblər. Burada da polis özbaşınalığına tuş olmalarından danışıblar. Bu il avqustun 18-də keçirilən aksiyada əsgər ölümlərinə etiraz etdiklərinə görə şəhid əsgər analarının polisin ləyaqətsiz davranışına, söyüşlərinə məruz qaldıqlarını deyiblər. “Bəzilərimizin övladlarının ölümündən üç il, iki il, bir ilin keçməsinə baxmayaraq, hələ də bilmirik ki, bu uşaqlar nəyin qurbanı olublar, niyə öldürülüblər?”, - Daşkəsən hadisələrində həlak olan Sadiq Məmmədovun anası qeyd edib.
Şəhid Elçin Kərimbəylinin atası Əli Kərimbəyli isə bu ölümlərin siyasi səbəbli olduğunu deyib. Onun fikrincə, bu ölümlərin səbəbi “saxta və çürük Əliyevlər rejimi, bu rejimin yarıtmaz iqtidar komandasıdır”. Onun sözlərinə görə, bu hakimiyyət dəyişməyənə kimi müəmmalı əsgər ölümlərinin qarşısı alına bilməz.
Hətta müdafiə nazirinin dəyişməsi belə problemi aradan qaldırmağa qadir deyil. “Çünki nazir sistemin içinə daxil olur, problem isə nazirdə yox, sistemdədir”, - Ə.Kərimbəyli qeyd edib.
Son olaraq birlik əsgərlərə şəhid statusunun verilməsini, adlarının əbədiləşdirilməsini, onlara aid sığorta vəsaitlərinin ödənilməsini, həmçinin İctimai Birliyin dövlət qeydiyyatına alınması tələblərini irəli sürüblər.-05C-
-
- İqtisadiyyat
- 28 Oktyabr 2013 15:15
-
- Cəmiyyət
- 28 Oktyabr 2013 16:01
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz