![Səhiyyə Nazirliyi doğuş və abort zamanı qadınların ölüm faktını araşdırır](https://turan.az/resized/media/2014/main/071400084086-750-500-resize.webp)
Səhiyyə Nazirliyi doğuş və abort zamanı qadınların ölüm faktını araşdırır
Səhiyyə Nazirliyi Hacıqabul və Qazax rayonlarında doğuş və abort zamanı ölən qadınlarla bağlı açıqlama veriblər. Nazirliyin mətbuat xidmətinin rəhbəri Anar Qədirli bildirib ki, iyulun 14-də Hacıqabul Mərkəzi Rayon Xəstəxanasında 24 yaşlı Əzizova Əsmər bir necə gün əvvəl etdirdiyi abortdan sonra dünyasını dəyişib. Abortdan sonra səhhəti kəskin pisləşən Ə.Əzizova xəstəxanaya da çox gec, vəziyyəti pisləşdikdən 5 gün sonra kritik vəziyyətdə gətirilib. Onun müalicəsi üçün Bakıdan mütəxəssislər cəlb olunub. Lakin aparılan müailicə tədbirlərinin təsiri olmayıb və qadın dünyasını dəyişib.
Qazaxda isə 20 yaşlı Bayramova Şəhla iyulun 13-də birinci doğuşundan sonra dünyasını dəyişib. Doğuş rayonun Daşsalahlı kəndindəki həkim məntəqəsində həyata keçirilib. Doğuşdan sonra onun vəziyyəti pisləşdiyindən Qazax Rayon Mərkəzi Xəstəxanasına aparılıb. Ş.Bayramova atonik qanaxma nəticəsində dünyasını dəyişib.
A.Qədirlinin sözlərinə görə, hazırda hər iki hadisə ilə bağlı tibbi ekspertiza aparılır və hadisənin başvermə səbəbləri müəyyənləşdirilir.
A. Qədirli yerli mediaya verdiyi açıqlamasında bildirib ki, 2005-ci ildə 141 901 doğuş zamanı 41 halda ana ölümü baş vermişdisə, 2012-ci ildə 173 547 doğuşdan 26 belə hala rast gəlinib. 2013-cü ildə isə 175 minə yaxın doğuş qeydə alınıb ki, bu zaman 24 ana ölümü faktı baş verib.
Bu bu statistika məhz "qeydə alınandır”. Qeydə alınmayan və statistik hesabatlara düşməyən ölümlərin isə daha çox olduğu istisna edilmir.-16D-
Cəmiyyət
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
Rəy yaz