![Səhiyyə Nazirliyi isti yay günlərində sağlamlığın qorunması ilə bağlı tövsiyələrini bölüşüb](https://turan.az/resized/news/2024/1cPfucLenSTXSHETH4aZEVxY3jg9Ct7mh28Ew2aH-750-500-resize.webp)
Səhiyyə Nazirliyi isti yay günlərində sağlamlığın qorunması ilə bağlı tövsiyələrini bölüşüb
Səhiyyə Nazirliyi isti yay günlərində sağlamlığın qorunması ilə bağlı tövsiyələrini bölüşüb
Açıq havada, xüsusilə isti yay günlərində günəşin altında olmağın ən optimal vaxtı səhər 10-a kimi və axşam 6-dan sonra hesab olunur.
Bu barədə Səhiyyə Nazirliyinin Azərbaycanda müşahidə olunan isti hava şəraiti ilə əlaqədar müraciətində qeyd edilib.
Bildirilib ki, yay mövsümündə müşahidə olunan isti hava şəraiti ilə əlaqədar istivurma və günvurma kimi insan sağlamlığına ziyanlı hallar baş verə bilər. Bu zaman orqanizmin ümumi isinməsi, bədən hərarətinin yüksəlməsi və nəticədə vacib funksiyalarının pozulmasına səbəb olur:
"İstivurma və günvurmanın əsas əlamətləri – üzün qızarması, şiddətli baş ağrısı, başgicəllənmə, gözlərin qaralması, ürəkbulanma, qusma, burundan qanın axması və görmə qabiliyyətinin pozulmasıdır. Günvurma və ya istivurmaya məruz qalan şəxsi dərhal təmiz havaya, kölgəyə, sərin və normal ventilyasiya olan yerə çıxartmaq lazımdır.Yay aylarında ilk növbədə yetərincə maye qəbul edilməli və orqanizmi həddindən artıq istilənməkdən qorumaq tövsiyə edilir".
Müraciətdə vurğulanıb ki, bu mövsümdə meyvə və tərəvəzlərin mütəmadi istehlakının faydaları çoxdur: "Onlar vitamin, mineral deposu olmaqdan əlavə, qida lifi və su mənbəyidir. Bu da istilərdə orqanizmin susuzlaşdığı bir dövrdə çox vacibdir. Yay mövsümündə istehlak edilən hazır və sağlam olmayan qidalar, yağlı yeməklər, spirtli və şirin içkilər - bunlar hamısı həzm sisteminin selikli qişasını qıcıqlandırır, qəbizliyə səbəb olur və öd kisəsinin fəaliyyətini pozur. İsti havalarda həddindən artıq idman etmək insan səhhəti üçün təhlükəli ola bilər. Baş nahiyəsini günəşdən qorumaq üçün gün eynəkləri, qoruyucu papaqlar və çətirlərdən istifadə edilməlidir".
-
- Cəmiyyət
- 5 İyul 2024 17:08
Cəmiyyət
-
İranda keçirilən prezident seçkilərində keçmiş səhiyyə naziri, etnik azərbaycanlı Məsud Pezeşkian 53.7 faiz səslə qalib gəlib. Onun islahatçı, korrupsiyadan uzaq, Qərblə münasibətlərin normallaşmasının tərəfdarı olduğu deyilir.
-
Kanadadakı Azərbaycan diasporunun fəalı Nazilə İsgəndərova müxtəlifliyin və konfessiyalararası harmoniyanın təşviqi işinə yorulmaz bağlılığına görə Ontario əyalət hökumətinin ChampionofDiversityAward 2023 mükafatına layiq görülüb. Bu mükafat onun mədəniyyətlərarası qarşılıqlı anlaşmanı təşviq etmək və çoxmədəniyyətli təşəbbüslərin dəstəklənməsi üzrə səylərini önə çəkərək cəmiyyətin lideri kimi müstəsna rolunu qeyd edir.
-
İyulun 7-dən şiə müsəlmanların Məhərrəm ayı başlayıb. Aşura günü iyulun 16-da olacaq.
-
İyulun 9-da Bakıda və Abşeron yarımadasında yağıntı olmayacaq, mülayim şimal-qərb küləyi əsəcək.
Rəy yaz