Şəkili jurnalist Medianın İnkişafı Agentliyini və Ombudsman Aparatını ittiham edir

Bakı/09.09.22/Turan: Şəki sakini, Şəki Ensiklopediyası saytının və “İpəkçi” qəzetinin təsisçisi və baş redaktoru Aydın Salis oğlu Məmmədov hökumət təşkilatının özünütəsdiq tələbi ilə Azərbaycan Ombudsman Aparatının özünü buraxması tələbilə bu hökumət təşkilatına müraciət edib. Bu təklif Ombudsman Aparatının Məmmədovun şikayətinə reaksiyasının olmaması ilə əlaqədardır. Belə ki, Məmmədov Medianın İnkişafı Agentliyinin onun müraciətinə diqqət yetirməməsi barədə bu quruma məlumat verib. Həmçinin Məmmədov 19 noyabr 2021-ci il tarixində Milli Məclisə şikayət göndərərək, Ombudsman Aparatının reaksiyasının olmaması barədə parlamentə məlumat verib. Məmmədov bu müraciətdə Medianın İnkişafı Dövlət Agentliyinin onun informasiya sorğusuna məhəl qoymadığını bildirib.

Aydın Məmmədov Turan-a bildirib ki, ona Milli Məclisdən zəng ediblər və onun yenidən Medianın İnkişafı Agentliyinə müraciət etməsilə bağlı  Ombudsman Aparatının təklifini çatdırıblar. Lakin Məmmədov bu dəfə Media Agentliyinin qanunla hərəkət edərək ona ətraflı cavab verəcəyinə inanmır.

Məmmədov Media İnkişafı Agentliyindən öz sponsorları olan saytlar da daxil olmaqla, saytların min manat məbləğində dövlət subsidiyalaşdırılmasının qanuniliyi və məqsədəuyğunluğu barədə soruşub. Məmmədov iddia edir ki, əslində yardım iki min manat təşkil edir. Onu bu yardımın maliyyə mənbələri maraqlandırır. Məmmədov bildirib ki, Agentlik saytlar yaradır, onları maliyyələşdirir və sonra həmin KİV-lərin işinin ödənilməsi üçün dövlətdən vəsait alır.

Medianın İnkişafı Agentliyindən cavab almayan Məmmədov oraya ikinci, geniş sorğu göndərib. Soruşub ki, hansı səbəbdən Agentlik yalnız xəbər saytlarını, üstəlik aylıq gəliri ən azı 2 min manat olan və işə ən azı üç əməkdaş götürən saytları maliyyələşdirir. Niyə dövlət gəlir əldə edən KİV-ə pul xərclənməlidir, halbuki, Azərbaycanda saytlar qazana bilmirlər, bundan öyrü şərait yoxdur.

Niyə Şəki Ensiklopediyası saytı dövlət subsidiyası ala bilmir, çünki dövlət bu KİV-i qeydiyyata almaqdan imtina edir? O, ayda 2 min manatı necə qazansın, bunsuz  sayt dövlət yardımına iddia edən KİV-lərin siyahısına düşməyəcək?

Aydın Məmmədov Turan ilə deyib ki, Medianın İnkişafı Agentliyilə dövlət təşkilatına rəhbərlik edən, KİV-ə yardım adı altında dövlət vəsaitini mənimsəyən və korrupsiyaya görə mühakimə olunmuş Vüqar Səfərli arasında fərq görmür.

Məmmədov Baş Prokurorluq yanında Korrupsiyaya Qarşı Mübarizə Baş İdarəsinə müraciət edərək, Medianın İnkişaf Agentliyində korrupsiya hallarının araşdırılmasını tələb edib. Qurumdan cavab gəlib ki, onun məktubunda Medianın İnkişafı Agentliyinin qanunsuz fəaliyyəti barədə faktlar yoxdur.

Turan-ın Medianın İnkişafı Agentliyinə müraciəti göstərdi ki, "medianın inkişafı" üçün dövlət tərəfindən yaradılan bu təşkilatda həqiqətən də KİV-in sorğularına operativ cavab verilmir. Agentliyin saytında göstərilən telefon nömrəsi operatora qoşulmur, zəng edənə Üzeyir Hacıbəyovun uvertürasını dinlədir, saytdan isə bu təşkilata məktub göndərmək mümkün deyil. Biz saytda yerləşdirilən formanı doldurduq, suallara cavab verdik, bizim sorğunuzu sayta yerləşdirdik, lakin məktub  ünvana getmir. Medianın Agentliyinin yararsız işi barədə jurnalist Məmmədovun fikirləri təsdiqlənir.

Turan agentliyin sorğusuna cavabı almağa nail olarsa, onu dərc edəcək. -0--