Açiq mənbələrdən foto.
Bakı/19.07.22/Turan:İyulun 18-də axşam saat 21:00 radələrində Şəkidə məcburi köçkünlərin məskunlaşdığı Yeni Çələbixan qəsəbəsində 58 nəfər Şəki Rayon Mərkəzi Xəstəxanasının təcili yardım bölməsinə müraciət edib. Bu barədə Daxili İşlər Nazirliyinin mətbuat xidmətinin Şəki Regional qrupundan bildiriblər.
Məlumata görə, müraciət edənlərin 41 nəfəri yetkinlik yaşına çatmayanlar, 17 nəfər isə böyüklər olub.
Onlara mənşəyi infeksion hesab edilən qastroenterit diaqnozu qoyulub, ilkin müdaxilə edilib və evə buraxılıblar. Həmin şəxslərdə qızdırma, qarın işləməsi əlamətləri olub.
Bu günlərdə qəsəbədə kütləvi toy və yas mərasimləri keçirilmədiyi üçün xəstəxanaya müraciətin səbəbinin içməli su ilə bağlı olması ehtimal edilir.
İlkin müayinədən sonra müraciət edənlər ambulator müalicə üçün evə buraxılıblar və aralarında vəziyyəti ağır olan yoxdur.
Sudan nümunələr götürülüb və faktla bağlı araşdırma aparılır.-05D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz