Şəmkirdə baş vermiş yanğın zamanı iki nəfər Türkiyə vətəndaşı həlak olub

Baş Prokurorluq və Fövqəladə Hallar Nazirliyi Şəmkirdə fəhlə yataqxanasında baş vermiş yanğınla bağlı birgə məlumat yayıblar. Məlumatda deyilir ki, yanvarın 31-də saat 01:00 radələrində Şəmkir çayı üzərində su anbarının tikintisini həyata keçirən Türkiyənin “Çingiz” inşaat-tikinti şirkətinin fəhlələrinin yaşadıqları yataqxanada baş vermiş  yanğında binanın 300 kvadrat metr ərazisi yanıb.

Tikintidə çalışan fəhlələr Türkiyə Engin Yaşar və 1Ələddin Özden ölüblər. Bundan başqa Murat Altun, Nəsib Keçkin və Ləvənt Sürül isə yanıq xəsarətləri ilə Bakıdakı  5 saylı şəhər klinik xəstəxanasının yanıq şöbəsinə yerləşdiriliblər, vəziyyətləri orta ağırdır. Hazırda xəstələrə zəruri ilkin tibbi yardım göstərilir.

Yanğının başvermə səbəblərinin müəyyənləşdirilməsi istiqamətində istintaq tədbirləri davam etdirilir.

Faktla bağlı rayon prokurorluğunda CM-in 225.2-ci (yanğın təhlükəsizliyi qaydalarını pozma) maddəsi ilə cinayət işi başlanıb, müvafiq ekspertizalar təyin edilib.-16D-