Qafqaz Müsəlmanları İdarəsinin (QMİ) Elmi-Dini və Qazilər Şurası çərşənbə günü öz ofisində yazıçı Əkrəm Əylilsinin “Daş yuxular” əsərini müzakirə edib.
Bu müzakirədə diqqət çəkən cəhət çıxş edənlərin əsərin özünü oxumadıqlarını etiraf etmələri, amma əsərdə xalqın, dinin, milli-mənəvi dəyərlərin, Heydər Əliyevin aşağılanmasına hiddət ifadə etmələri idi. QMİ sədri, Şeyxülislam Allaşhşükür Paşazadə bu əsəri “yalan, küfr”, Əkrəm Əylislini isə “mürtəd, dindən çıxmış” adlandırıb. Eyni zamanda, A.Paşazadə Ə.Əylislini adı çəkilən əsərində mərhum dövlət başçısı Heydər Əliyevə həqarət etməkdə ittiham edib. Onun fikrincə Ə.Əylisli bu əsəri sifariş əsasında yazıb, özünü “ağaları”nın gözündə ucaltmaq istəyib. Xalqı belə aşağıladığına görə Ə.Əylisinin xalq yazıçısı adından məhrum edildiyi kimi “İstiqlal” və “Şöhrət” ordenlərindən mərhum edilməsi də təklif olunub. Elmlər Akademiyası Tarix İnstitutunun direktoru Yaqub Mahmudov Ə.Əylislinin bu əsərini “sifarişin nəticəsi” adlandırıb, yazıçını tarixi faktları saxtalaşdırmaqda ittiham edib. Əsərdə Əylis kəndinin “ermənilərin Məkkə, Mədinəsi” adlandırılması, “ermənilər qayıtdıqdan sonra Əylisin “kiçik İstanbula döncəyəi” ifadələri ermənilərin Naxçıvana olan ərazi iddialarına haqq qazandırmaq kimi dəyərləndirilib. Bakı və Xəzərətrafı bölgə pravoslavlarını arxiyepiskopu Aleksandr əsəri “faktların interpretasiyası” sayaraq, bunu yolverilməz olduğunu vurğulayıb.
Akademik Vasim Məmmədliyevə görə isə, bu əsər xəstə təxəyyülün məhsuludur. Bu adamda öz dininə, millətinə, vətəninə olan bu qədər nifrətin, nankorluğun, islamofobiyanın haradan qaynaqlanması araşdırılmalıdır.
Nardaran sakini Hacı Hacıağa əsərdə Nardaranla bağlı epizodlara etiraz edib. Belə ki, Nardaranda hələ sovet zamanı belə spirtli içki içilmədiyinə diqqət çəkərək, bunun kəndin adına böhtan olduğunu deyib. Əsəri isə bütünlükdə “ağıldan dönmüşün” yazısı adlandırıb.
Sonda QMİ-nin bəyanatı açıqlanıb. Bəyanatda Ə.Əylislinin adı çəkilən əsəri pislənir. Ölkə dindarlarının bu əsəri birmənalı olaraq təxribat, düşmən sifarişilə yazılmış qarayaxma kimi dəyərləndirildiyi deyilir. -05C-
Cəmiyyət
-
Həmkarlar ittifaqına aid qeyri-hökumət təşkilatı olan “İşçi Masası Konfederasiyası”nın sədri Afiyəddin Məmmədov, Azərbaycanda sosial şəraitin pisləşməsi və vətəndaşların həbsi ilə bağlı etiraz əlaməti olaraq həbsxanada müddətsiz aclıq aksiyasına başlayıb, onun ailəsi cümə günü bildirib.
-
Abşeron rayonunun Xırdalan şəhərində yerləşən çoxmərtəbəli yaşayış binasında yanğın baş verib. Hadisə ilə bağlı Fövqəladə Hallar Nazirliyi (FHN) dərhal əraziyə qüvvələr cəlb edib, rəsmilər şənbə günü bildirib.
-
Azərbaycanın Milli Hidrometeorologiya Xidməti fevralın 10-na olan hava proqnozunu açıqlayıb. Ölkə ərazisində əsasən yağmursuz hava şəraiti gözlənilsə də, bəzi dağlıq ərazilərdə qar yağacağı ehtimal edilir.
-
Siyası məhbus, AXCP fəalı Aqil Hümbətovun həyat yoldaşı, üç uşaq anası Aygün Hümbətova ölkə prezidenti İlham Əliyevə sosial şəbəkə (FB) vasitəsilə açıq müraciət göndərib. Turana verdiyi müsahibədə o, ailəsinin agır durumda olmasını vurgulayıb. "Ərimi şərləməyə lazım olanda gəlirlər. Xəzər rayonu icra başçısı gəlsin maraqlansın vətəndaşları hansı gündədirlər".
Rəy yaz