Qarabağ separatçıları Beynəlxalq Qırmızı Xaç Komitəsinə müraciət edərək noyabrın 12-də Azərbaycan tərəfindən vurulan vertolyotun üç pilotunun cəsədinin erməni tərəfinə verilməsinə yardımçı olmağa çağırıblar. Bu barədə separatçı qüvvələrin komandanı Movses Akopyan News.am saytına bildirib.
Onun sözlərinə görə, vertolyot Azərbaycan mövqelərinin yaxınlığına düşüb və ermənilərin cəsədləri götürmək imkanları yoxdur. Bu səbəbdən də BQXK-ya müraciət etməli olublar.
Erməni tərəfinin məlumatına görə, vertolyotun düşdüyü yer daim atəş altındadır.
BQXK-nin Bakı ofisindən Turan-a məlumatı təsdiqləyərək bildiriblər ki, bununla bağlı Azərbaycanın müvafiq qurumları ilə danışıqlar aparılır. Cenevre Konvensiyasına uyğun olaraq münaqişə tərəfləri yaralıların və cəsədlərin axtarıb tapılması üçün mümkün olan hər şeyi etməlidirlər. BQXK bu işdə neytral vasitəçi kimi iştirak etməyə hazırdır.-02D-
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz