Bakı/05.07.17/Turan: İyulun 5-də gecə saat 1-də Cəlilabad rayonunun Bəyxanlı kəndi yaxınlığında İran tərəfindən keçən sərhəd pozucusu görülüb.
Sərhədçilərin təqib etdiyi pozucu dayanmaq tələblərinə, xəbərdarlıq atəşinə məhəl qoymayıb və gizlənməyə çalışıb.
Pozucunun getməsinin qarşısını almaq üçün sərhədçilər zədələmə atəşi tətbiq edərək, pozucunu yaralayıblar. Göstərilən ilkin yardıma baxmayaraq, sərhəd pozucusu dünyasını dəyişib. Bu barədə Azərbaycan Dövlət Sərhəd Xidmətinin məlumatında deyilir.
Onun üzərinə baxış zamanı ümumi çəkisi 8 kq 800 qram olan iki tiryək paketi götürülüb. Onun şəxsiyyətinin müəyyən edilməsi üzrə tədbirlər görülür. -16D-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz