![Açiq mənbələrdən foto.](https://turan.az/resized/media/2022/main/060200046206-750-500-resize.webp)
Açiq mənbələrdən foto.
Sərhədçilər narkotik vasitə alverçisini saxlayıb - DSX
Bakı/02.06.22/Turan: May ayının 28-də saat 23:30 radələrində Dövlət Sərhəd Xidmətinin "Göytəpə" sərhəd dəstəsinin Yardımlı rayonunun Deman kəndi yaxınlığında yerləşən sərhəd zastavasının sahəsində Azərbaycan sərhədinin İran istiqamətində pozulmasına dəlalət edən əlamətlər aşkar edilib. Bu barədə Dövlət Sərhəd Xidmətinin (DSX) yaydığı məlumatda deyilir.
Sərhəd ərazisi qapdılıb, zolaq və nəzarətedici vasitələr yoxlanılaraq 1 nəfərə məxsus ayaq izləri aşkarlanıb.
Yardımlı rayon polis əməkdaşları ilə birgə keçirilmiş kompleks sərhəd axtarışı və əməliyyat tədbirləri nəticəsində Deman kəndində çoban kimi fəaliyyət göstərən Yardımlı rayonunun Arvana kənd sakini, Elsevər Şükürov şübhəli şəxs qismində saxlanılıb.
Məlumata görə, Şükürov dövlət sərhədini Deman kənd sakini 1983-cü il təvəllüdlü Rahəb Əliyevin sifarişi ilə narkotik vasitə gətirilməsi üçün qanunsuz olaraq keçdiyini etiraf edib.
Onun yaşadığı həyətyanı əraziyə baxış zamanı 4 ədəd bağlamada 2 kiloqram 30 qram "marixuana" və qara polietilen salafana bükülmüş 2 ədəd 130 ml qabda maye halda "metadon" narkotik vasitələri aşkar olunaraq götürülüb.
Hazırda Əliyevin saxlanılaraq cinayət məsuliyyətinə cəlb edilməsi istiqamətində tədbirlər davam etdirilir. -05D-
Rəy yaz
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
1 rəy
Heyran Hüseynova
2023-11-30
DSX əməkdaşlarının sayıqlığı nəticəsində sərhədlərimizdə əmin amanlıq yaradılıb.