Sərt karantin rejimi tətbiqi: fərqli baxışlar

Azərbaycan Nazirlər Kabineti yanında Operativ Qərargah iyunun 21-dən iyulun 5-inə kimi paytaxt Bakı, Gəncə,Sumqayit, Lənkəran, Masallı,Cəlilabad, və Yevlax rayonlarında sərt karantin rejimi tətbiq edəcək.  

Bir çox tibb mütəxəssislərinin isti yay havalarının gəlişi ilə bu virusun yoxa çıxacağı barədə proqnozları da özünü doğrultmadı.

Rəsmilər yoluxmanın artmasına səbəb kimi ancaq vətəndaşların maska taxmamasını, sosial məsafəni gözləməməsini gösətrirlər, amma  ekspert çevrəsi bu yanaşmaya birmənalı münasibət bəsləmir.

İctimai fəal Bəxtiyar Hacıyev hesab edir ki, virusa yoluxmaların bu səviyyəyə gəlib çıxmasına səbəb  hökumətin koronavirusla mübarizənin ilk mərhələsində buraxdığı səhvlər səbəb olub. 

Onun fikrincə, İranla sərhədlərin bağlanmasında yubanma, hökumətin

sərt karantin rejiminin yumşalmasına erkən getməsi sadalanan səvhlərin içindədir.  

O,  hesab edir ki, sərt karantin rejiminə gedilməsi, müəyyən həftələrdən sonra yoluxma sayında azalmaya səbəb ola bilər, amma uzunmüddətli smərə verməz. İctiami fəal hesab edir ki, burada ən səmərəli çıxış yolu kütləvi testləmənin aparılmasıdır.

Amma ölkənin Baş infeksionosti  Cəlal İsayev hesab edir ki, sərt karantin rejiminin tətbiq olunması insanların karantin qaydalarına əməl etməməsi, yoluxmanın artmasının nəticəsidir. Onun fikrincə, vətəndaşlar qoruyucu  vasitələrdən istifadə etsəydilər, sosial təcridə əməl etsəydilər belə sərt tədbirlərin qəbul edilməsinə ehtiyac qalmazdı.

C.İsayev deyir ki, xəstə sayının çoxluğu həm çarpayı fondunun, həm tənəffüs aparatlarının  çatışmazlığına səbəb ola bilər.

Onun deməsinə görə, sərt karantin reiminin tətbiqindən gözləntisi odur ki, yoluxmanın sürəti azaldılsın, tibb sahəsi ağır vəziyyətə düşməsin, elə bunun üçün də karantin rejiminin sərtləşdirilməsinə gedilib. -05B-