Ağır Cinayətlərə dair işlər üzrə Bakı Məhkəməsində keçmiş deputat Gülər Əhmədovanın işi üzrə bugünki prosesdə Sevinc Babayevanın oğlu Ayxan Məmmədov ifadə verib.
O, anasının ölümündə Gülər Əhmədovanı ittiham edib.
Xatırladaq ki, Gülər Əhmədova fırıldaqçılığa və xüsusilə böyük ölçüdə başqasının əmlakını mənimsəməkdə, ağır cinayəti gizlətməkdə ittiham olunur. Hər iki maddə üzrə o, əmlakı müsadirə olunmaqla 12 ilədək azadlıqdan məhrum edilə bilər.
Həbsə Beynəlxalq Universitetin keçmiş rektoru Elşad Abdullayevin yaydığı videolar səbəb olub. Gizli kamera ilə çəkilmiş bu kadrlarda Əhmədovanın və onun əlbiri Sevinc Babayevanın Abdullayevdən deputat seçilməsi üçün 1 mln. dollar tələb etdiyi görünür.
Məmmədov bildirib ki, anası və Əhmədova Abdullayevdən iki dəfə 50 min dollar alıblar. Onun sözlərinə görə, anası və Əhmədova arasında münasibətlər Abdullayev parlamentə seçilmədiyi zaman Əhmədovanın onun pulunu qaytarmaqdan imtina etməsindən sonra korlanıb.
Məmmədov bildirib ki, anasını Əhmədova Türkiyəyə göndərib və Babayevanın ölümündə o təqsirlidir. Proses davam edir. -03D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz