Bakı/09.01.19/Turan: Ötən gecə Bakının Yasamal rayonunda birmərtəbəli evdə yanğına gətirib çıxaran partlayış baş verib, xəbəri Azərbaycan FHN yayıb.
Yanğın nəticəsində ikiotaqlı mənzilin konstruksiyaları yanıb. Partlayış dalğası daşıyıcı divarı yaxınlıqdakı Tofaş avtomobilinin üzərinə yıxıb.
Hadisə yerində bir ailənin üzvləri 1956-cı il təvəllüdlü Aydın Acar oğlu Məmmədov, 1962-ci il təvəllüdlü Xuraman Cahangir qızı Məmmədova və qızları 1993-cü il təvəllüdlü Aygün Aydın qızı Məmmədovanın cəsədləri aşkar edilib.
Araşdırma aparılır, deyə FHN qeyd edir.
Qeyd edək ki, partlayış Tolstoy küçəsi, 40 ünvanında baş verib. Bura Təzə Pir məscidindən yuxarıda köhnə binaların söküldüyü ərazidir. Ətrafdakı bir çox evin sakinləri artıq köçürülüb.
Şahidlərin sözlərinə görə, son zamanlar bu bölgədə qaz verilişi müntəzəm olaraq dayandırılır və bir müddət sonra bərpa edilir.
Partlayış gecə saat 3 radələrində baş verib.
Zədələnmiş avtomobil həlak olan Məmmədova məxsus idi, o, şəxsi sürücülüklə məşğul olurdu. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz