Tbilisi/29.08.14/Turan-BS PRESS: Qafqaz Müsəlmanları İdarəsinin rəhbəri Allahşükür Paşazadə cümə günü Gürcüstanın pravoslav kilsəsinin rəhbəri İkinci İliyanın dəvti ilə Tbilisiyə ikigünlük səfərə gedib.
Səfərin məqsədi onun 65 illik yubileyinə həsr edilmiş mərasimdə iştirak etməkdir. Paşazadə ilə birlikdə təkcə ruhanilərdən deyil, həm də Milli Məclisin deputatlarından, xristian və yəhudi icmalarının rəhbərlərindən ibarət nümayəndə heyəti Tbilisiyə gedib.
Aeroportda Paşazadəni İkinci İliya qarşılayıb, daha sonra Azərbaycan nümayəndə heyətinin şərəfinə təntənəli qəbul keçirilib.
Elə bu gün Paşazadə Gürcüstan prezidenti Georgi Margvelaşvili və baş nazir İrakli Qaribaşvili ilə görüşlər keçirəcək.
Qeyd edək ki, Paşazadənin yubileyi Azərbaycanda belə geniş şəkildə qeyd edilmir. -02D-
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz