Mevlut Çavuşoğlu Türkiyənin yeni XİN rəhbəri oldu
Türkiyə baş naziri Ahmet Davutoğlu cümə günü prezident Erdoğana yeni hökumət üzvlərini təqdim edib. 45 dəqiqə sonra Davutoğlu jurnalistlərə təsdiq edilmiş siyahını oxuyub.
Türkiyənin 62-ci hökumətinin baş nazir müavinləri Bülent Arınç, Yalçın Akdoğan, Numan Kurtulmuş, Ali Babacan oldu. Xarici işlər naziri vəzifəsinə Mevlut Çavuşoğlu təyin edilib. Müdafiə naziri İsmet Yılmaz, maliyyə naziri Mehmet Şimşek olub. Baş nazir jurnalistlərin suallarını cavablandırmayıb.
Çavuşoğlu bundan əvvəl Avropaya inteqrasiya naziri, daha əvvəl isə AŞPA rəhbəri olub. Onun Azərbaycan rəhbərliyi ilə isti münasibətləri var. AŞPA Monitorinq Komitəsinin Azərbaycan üzrə üvü olan Mevlutoğlu məruzəçilər Andres Qross və Andreas Herkelin tənqidi hesabatlarının qəbulunu əngəlləyib. -02D-
Siyasət
-
Gürcüstanın həbsdə olan sabiq prezident Mixail Saakaşvili Gürcüstan azərbaycanlılarını oktyabrın 26-da keçiriləcək parlament seçkilərində fəal iştirak etməyə çağırıb.
-
Səfir Mark Libbi bu gün doktor Qubad İbadoğlu ilə görüşüb və onun səhhəti ilə bağlı narahatlığını bildirib.
-
Oktyabrın 25-də Avropa İttifaqının (Aİ) Azərbaycandakı səfiri Peter Mixalko Xarici İşlər Nazirliyinə çağırılıb və Avropa Parlamenti tərəfindən 24 oktyabr tarixində qəbul edilmiş qətnamə, eləcə də bu qurumda baş tutmuş müzakirələr çərçivəsində Avropa Komissarı tərəfindən səsləndirilən əsassız və qərəzli fikirlər qəti şəkildə pislənib və bununla bağlı qarşı tərəfə etiraz notası təqdim edilib. Bu barədə Azərbaycan XİN-in mətbuat xidmətinin 25 oktyabr tarixli məlumatında deyilir.
-
Şimali Koreya Rusiyaya əlavə qoşun göndərməyi planlaşdırır, bu barədə Cənubi Koreyanın kəşfiyyat idarəsi məlumat yayıb. Belə ki, Cənubi Koreyadan 10 000-ə yaxın əsgərin cəlb edilməsi çərçivəsində 1500 hərbiçidən ibarət ilk qrup artıq Rusiyanın Uzaq Şərqində təlim keçir. Bu bölmələr 8-13 oktyabr tarixlərində Vladivostoka gəliblər, bu barədə Bloomberg yazır.
Rəy yaz