Şəhid olan şəxslərə sığorta pullarının ödənilməsilə bağlı 1000-ə qədər iş hazırda məhkəmədədir və proses davam edir. Bu sözləri Turan-a bu sahədəki vəziyyəti şərh edən Ehtiyatda və İstefada olan Zabitlər Birliyinin (EİOZB) hüquqşünası Telaman Əbilov bildirib.
O deyib ki, sığorta pullarının ödənilməsi əsasən 1992-94-cü illərdə şəhid olan və itkin düşərək şəhid olması məhkəmə qərarları ilə təsdiq olunan hərbiçilərə aiddir. Sığorta pullarının ödənilməsilə bağlı 500-ə yaxın məhkəmə qətnaməsi var, hələ ki, vəsaitlər şəhidlərin ailələrinə ödənilməyib. T.Əbilov bu vəsaitlərin ödənilməməsi səbəblərinə də aydınlıq gətirib. Belə ki, birlik cavabdeh tərəf kimi Müdafiə Nazirliyini məhkəməyə verib. Müdafiə Nazirliyi həmin pulları “Azərbaycan Dövlət Sığorta Şirkətinə keçirib. Hazrıda problem Müdafiə Nazirliyində yox, daha çox Maliyyə Nazirliyi ilə adı çəkilən sığorta şirkəti arasındadır. Daha sonra birlik parlamentə sığorta pullarının ödənilməsilə bağlı qərar çıxarmaq müraciəti göndərib. T.Əbilovun sözlərinə görə, parlament yay sessiyasında bu məsələyə baxmayıb, söz vermələrinə baxmayaraq, heç indi də baxmırlar. Cümə günü 60-70 nəfər şəhid ailəsinin parlament önündə aksiya keçirməsi də bununla bağlıdır.
Şəhid olan şəxsə ödənilməli olan məbləğin 11 min manat təşkil etdiyini deyən T.Əbilovun sözlərinə görə, I qrup müharibə əlilinə bu məbləğin 80%-i, II qrupa 60%-i, III qrupa 40%-i ödənilməlidir.
T.Əbilov döyüş bölgəsində olduğuna görə 3 qat əməkhaqqı almalı olan hərbiçilərin də məsələsində problem olmasına diqqət çəkib. Onun sözlərinə görə, ön cəbhədə olmağa görə 3 qat əməkhaqqı verilməsi qanundda əksini tapsa da, 1998-ci ildən Müdafiə Nazirliyi qanuna tabe olmayaraq ön cəhbədəkilərə əməkhaqlarının ancaq 2 qatını ödəyib. Bu qanunsuzluq 1998-ci ildən 2004-cü ilə kimi davam edib. 2005-ci ildə Müdafiə Nazirliyinin təşəbbüsü ilə ön cəbhədə olanlara 2 qat əməkhaqqı ödənilməsi qanuniləşdirilib. Beləliklə, qanunsuzluq 1998-2004-cü illəri əhatə edir. Bununla bağlı 20-yə qədər məhkəmə prosesi olub, müsbət məhkəmə qətnamələri var, amma qərarlar yerinə yetirilmir. Bundan irəli gələrək, 15-ə yaxın iş Avropa Məhkəməsinə göndərilib. -05B-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz