Şirəliyevin uzanan işinə aprelin 24-də baxacaqlar
Bakı/18.04.18/Turan: Aprelin 17-də Gəncə Apellyasiya Məhkəməsi 7gun.az saytının baş redaktoru Cavid Şirəliyevin işinə aprelin 24-də baxmaq haqqında qərar qəbul edib.
İşə müdafiə tərəfin Şirəliyevin təqsirsizliyinin müdafiəsi haqqında vəsatətini qismən təmin edən Ali Məhkəmənin qərarı əsasında baxılır.
Əvvəlki Apellyasiya Məhkəməsində "zərərçəkmiş" Şəfiqə Xankişiyevanın bəyanatlarına zidd olaraq, Bakcell mobil operatorundan Şirəliyev və Xankişiyeva arasında heç bir telefon əlaqəsinin olmaması haqqında arayış oxunub.
Aprelin 24-də keçiriləcək növbəti iclasda şahid Asif Orucov çıxış edəcək.
Şirəliyevin vəkili qeyd edir ki, Mülki Apellyasiya Məhkəməsi 6 aydır onun işinə baxır və onun təqsiri faktını aşkar etməyib. Buna baxmayaraq, Şirəliyev azadlıqdan məhrumetmə yerlərində cəza çəkməyə davam edir.
Xatırladaq ki, Cavid Şirəliyev 22 may 2016-cı il tarixində Gəncə Ağır Cinayətlər Məhkəməsi tərəfindən hədələmə yolu ilə rüşvət tələb etmək (CM-in 182.2.1-ci və 182.2.4-cü maddələri) ittihamı ilə mühakimə olunub.
Şirəliyev 30 avqust 2014-cü il tarixində DİN əməkdaşları tərəfindən saxlanılıb və Mütəşəkkil Cinayətkarlığa qarşı Mübarizə Baş İdarəsinə (MCMBİ) aparılıb. O, Orucov Asif Akif oğlu ilə əlbir olaraq, 2013-cü ilin iyununda Xankişiyeva Şəfiqə İsmayıl qızını onun Tovuz rayonunun Qovlar kəndindəki kafesi haqqında gözdən salan material yaymaqla hədələyərək, ondan 2 min manat almaqda ittiham olunub. -0-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz