Bu gün Şirvan Apellyasiya Məhkəməsi Astara rayon sakini, AccessBank-ın keçmiş işçisi Mikayıl Talıbovun şikayətini təmin edib və birinci instansiya məhkəməsinin ona qarşı ittiham hökmünü ləğv edib.
Hakim Ələsgər Novruzov etiraf edib ki, Astara rayon məhkəməsi işə kobud prosessual pozuntularla baxaraq, Talıbovun ədalətli məhkəmə təhqiqatı hüququnu pozub. İş təkrar baxılması üçün Astara rayon məhkəməsinə göndərilib. Bu barədə Məhkəmədə Talıbovun maraqlarını təmsil edən Media Hüquqları İnstitutu məlumat verib.
Bu iş Talıbovun mayın 14-də parlamentin qanunvericiliyə etdiyi böhtan və təhqirə görə cinayət məsuliyyətinin İnternetə şamil edilməsi üzrə düzəlişlərin ilk qurbanı olması ilə məşhurdur. Bu hadisə “facebook işi” adını alıb.
Mikayıl Talıbov bu ilin iyul ayında diffamasiya ittihamı ilə əmək haqqının 20%-i tutulmaqla, 1 il islah işlərinə məhkum edilib. Buna səbəb onun işlədiyi “AccessBank”ı tənqid etməsi olub. İşdən çıxarılmasını qanunsuz hesab edən Talıbov facebook-da “Accessbank-HaqsızBank” adlı səhifə yaradıb.
Öz növbəsində, bank məhkəməyə müraciət edib, məhkəmə isə “Accessbank-HaqsızBank”, “Azərabycanda qazanılmış pullar Azərbaycanın əleyhinə”, “AccessBank Azərbaycanda siyasi təzyiqi artırır, əhalinin narazılığına səbəb olur”, “bankda 50 000 manat kredit üçün 5000 manat rüşvət alırlar” ifadələrini böhtan hesab edib. Həmçinin, məhkəmə Talıbovun üzərinə facebook-da təkzib vermək öhdəliyi qoyub. -03В06-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz