![Şirvan Apellyasiya Məhkəməsində 25 vətəndaşın FHN-ə qarşı iddialarına baxılacaq](https://turan.az/resized/media/2012/main/110600017235-750-500-resize.webp)
Şirvan Apellyasiya Məhkəməsində 25 vətəndaşın FHN-ə qarşı iddialarına baxılacaq
Bazar ertəsi Şirvan Apellyasiya Məhkəməsində Rafael Eyvazovun sədrliyi ilə 2010-cu il daşqınından ziyan çəkmiş 25 vətəndaşın iddiası üzrə məhkəmə iclası keçirilib.
FHN nümayəndəsi Vüqar Hacıyev bildirib ki, yerli icra orqanları FHN-ə müvafiq məlumatı vermədiyi üçün bəzi evlərin eksperizası aparılmayıb. O, həmçinin qeyd edib ki, bir sıra sakinlərin evlərinin vəziyyətinin araşdırılması davam etdirilir.
Zərərçəkmişlərin hüquqlarını müdafiə edən Kür vətəndaş cəmiyyəti qərargahının koordinatoru Oqtay Gülalıyev bildirib ki, daşqından 30 ay keçməsinə və dövlət tərəfindən onun nəticələrinin aradan qaldırılmasına 460 mln. manat ayrılmasına baxmayaraq, hələ də bəzi vətəndaşların problemləri həll edilməyib. Gülalıyev qeyd edib ki, İmişli rayon icra hakimiyyətinin məhkəmə iclaslarına məhəl qoymamasına məsuliyyətdən yayınmaq cəhdi, həmçinin məhkəməyə və qanunlara hörmətsizlik kimi qiymətləndirilməlidir.
İddiaçılar öz çıxışlarında məhkəmədən mənzil tikintisi, təmiri və pul kompensasiyalarının ödənilməsinə görə FHN-in üzərinə məsuliyyət qoymağı xahiş ediblər.
Növbəti məhkəmə prosesi İmişli rayon icra hakimiyyəti nümayəndəsinin mütləq iştirakı ilə noyabrın 28-nə təyin edilib.
Artıq məlumat verildiyi kimi, daşqından ziyan çəkən 130 nəfər məhkəmələrə iddialar verib. Müraciətlərin bir hissəsi FHN tərəfindən təmin edilib. Təmin edilməmiş iki iddia üzrə Avropa İnsan Hüquqları Məhkəməsinə şikayət göndərilib. Hazırda 96 iddia məhkəmə icraatındadır. -0-
-
- Cəmiyyət
- 6 Noyabr 2012 14:56
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz