Şirvan İnzibati Məhkəməsi fəlakət zonası sakinlərinin iddiasını təmin etməyib

İyulun 5-də Şirvan İnzibati-İqtisad Məhkəməsində hakim Fikrət Mehdiyevin sədrliyi ilə İmişli rayonunun 14 sakininin FHN-ə qarşı iddiasına baxılıb. Onlar 2010-cu ilin may-iyun aylarında Kür daşqınları zamanı zərər çəkiblər.

Məhkəmə bütün iddiaları təmin etməyib. Bu barədə Turan-a “Kür” qərargahının koordinatoru, zərərçəkənlərin hüquqlarının müdafiəçisi Oqtay Gülalıyev bildirib. O, sakinlərin evlərinə dəyən zərərin yenidən qiymətləndirilməsi məqsədilə məhkəmə ekspertizasının keçirilməsini tələb edib. Belə ki, FHN ekspertizası “obyektiv aparılmayıb və zərərin qiyməti endirilib”, - o vurğulayıb.

FHN-in məhkəmədəki nümayəndəsi bunun əleyhinə çıxıb, lakin hakim F.Mehdiyev bu tələbi dəstəkləyib.

Bu gün həmçinin Şirvan İnzibati-İqtisadi Məhkəməsində daşqından zərər çəkmiş 70-ə yaxın iddiaya baxılması başa çatdırılıb. 

Məhkəmələr onların əksəriyyətini təmin etməyib və 50 iddia baxılmaq üçün məhkəmədə qalır. Eyni zamanda iki iddiaçı ölkədə həqiqət olmadığı üçün Avropa İnsan Hüquqları Məhkəməsinə müraciət ediblər.

“Kür” qərargahının məlumatına görə, FHN rəhbəri Kəmaləddin Heydərovun Salyan, Saatlı və Sabirabad rayonlarında zərərçəkənlərlə görüşündən sonra dağılmış və ya ziyan dəymiş evlərin təkrar qiymətləndirilməsinə başlanılıb. 90-a yaxın evə baxılıb və bəzi hallarda evlərin bərpası ilə bağlı qərarlar qəbul olunub.

* 2010-cu ilin mayında Araz və Kür çaylarında baş vermiş daşqınlar zamanı 30 rayonda evlərə və təsərrüfatlara ziyan dəyib. Daşqının nəticələrinin aradan qaldırılması üçün dövlət büdcəsindən 460 mln. manat vəsait ayrılıb. Lakin indiyədək yüzlərlə adam normal mənzillə və ədalətli kompensasiya ilə təmin olunmayıb.

200 ailə FHN, “Meliorasiya və su təsərrüfatı” ASC, həmçinin rayon hakimiyyətindən məhkəməyə şikayət edib. Hazırda məhkəmələrdə 114 şikayət var. İki şikayət Avropa İnsan Hüquqları Məhkəməsinə göndərilib. İddiaçıların hüquqlarını “Kür” qərargahı müdafiə edir.—06B—