Azərbaycanda "müxalifətçi ovu" davam edir. Dünən Şirvan şəhərində Xalq Cəbhəsi Partiyasının fəalı Şahin Əlizadə polisə müqavimət ittihamı ilə 30 gün müddətinə həbs olunub.
Partiyanın sədr müavini Gözəl Bayramlının Turan-a verdiyi məlumata görə, hakimiyyət siyasi repressiyalar taktikasını davam etdirir. "Ölkənin bir çox regionlarında insanlar küçələrə axışaraq dərinləşən böhranın qarşısını almağı tələb edir, qiymət artımına, işsizliyə etiraz edir. Hakimiyyət isə xalqın tələbini yerinə yetirmək əvəzinə, etirazları bəhanə edərək AXCP-yə qarşı repressiyaları gücləndirir. Son bir neçə gündə partiya fəallarının həbslərinin sayı günbəgün artır", deyə o bildirib.
Xatırladaq ki, Azərbaycanın müxtəlif regionlarında bir neçə gündür əhalinin bahalaşmaya və ağır iqtisadi vəziyyətə etiraz dalğası davam edir. Hakimiyyət artıq onlarla insanı həbs edib, iğtişaşların təşkilində müxalifəti və dini radikalları ittiham edir. -03D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz