Bakı/13.10.17/Turan: Şirvanda Azərbaycan Xalq Cəbhəsi Partiyasının (AXCP) iki yerli fəalı inzibati həbsə məruz qalıb. Bu barədə Turan-a vəkil Yalçın İmanov bildirib.
Əlifağa Abdullayev və Eldəniz Səmədov oktyabrın 9 və 10-da həbs olunublar. Şəhər məhkəməsi Ə.Abdullayevi 15 sutka həbs edib. E.Səmədov 10 sutka həbs edilib. Onlar İnzibati Xətalar Məcəlləsinin 535.1-ci maddəsilə (polis əməkdaşlarının qanuni tələblərinə tabe olmamaq) təqsirli biliniblər.
Məhkəmə zamanı fəallar bildiriblər ki, özlərini günahkar saymırlar və onların həbsinin əsl səbəbi oktyabrın 7-də Bakıda müxalifətin mitinqində iştirak etmələri və sosial şəbəkələrdə aksiyadan fotolar yaymalarıdır.
Vəkil Y.İmanovun sözlərinə görə, polisin tərtib etdiyi protokollardan aydın olmur ki, fəalların polisə tabe olmaması özünü nədə göstərir.
Müdafiə tərəfi həbsdən apellyasiya verəcək.
Şirvan hüquq-mühafizə orqanlarından şərh almaq mümkün olmayıb.
Xatırladaq ki, 7 oktyabr mitinqi ərəfəsində 6 nəfər AXCP fəalı saxlanılıb.
"Korrupsiyaya yox, siyasi məhbuslara azadlıq!" şüarı ilə keçirilən 7 oktyabr mitinqini Demokratik Qüvvələrin Milli Şurası təşkil edib.-06B--
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz