Bakı/19.02.18/Turan: Almaniyada mühacirətdə olan siyasi fəal Tural Sadıqlının atası Əlövsət Sadıqlı fevralın 19-da azad edilib. Bu barədə Turan-a Əlövsət Sadıqlı bildirib.
T.Sadıqlı Azərbaycanın yüksək vəzifəli rəsmilərini kəskin tənqidləri ilə tanınır. O həmçinin Avropa ölkələrində Azərbaycan iqtidarına qarşı keçirilən etiraz aksiyalarının fəal iştirakçılarındandır.
Ə. Sadıqlının sözlərinə görə, fevralın 18-də axşam saatlarında Sabunçu Rayon Polis İdarəsinin 12-ci polis bölməsinin əməkdaşları tərəfindən saxlanılıb.
"Saxlanmağımın səbəbi mühacirətdə olan oğlum Tural Sadıqlının tənqidi çıxışları, statusları, video yayımları ilə bağlı idi. Həm 12-ci polis bölməsində, həm də Sabunçu Rayon Polis İdarəsində oğlumun fəaliyyətinin dövlətin əleyhinə olduğunu dedilər. Mən isə dedim ki, hökumətin əleyhinə, idarəçilik mexanizmi ilə bağlı tənqidi çıxışları ola bilər, amma dövlətin əleyhinə heç zaman çıxış edə bilməz. Dövləti biz qurmuşuq, qurduğunuz dövlətə qarşı çıxa bilmərik", - Ə. Sadıqlı qeyd edib.
Ə.Sadıqlı qonşusunun da saxlanıldığını və sonradan azad buraxıldığını bildirib.
Xatırladaq ki, Tural Sadıqlının qardaşı və atası 2015-ci ildə də saxlanılmışdı. O, ailəsinə qarşı təzyiqlərin siyasi fəaliyyəti ilə bağlı olduğunu bildirib.
"2015-ci il yanvarın 21-də İlham Əliyevlə Almaniya kansleri Angela Merkelin görüşü zamanı bizim etiraz aksiyamızdan bir neçə həftə sonra fevralın 13-də atam və qardaşım Elgiz həbs edildi. Qardaşıma verilmiş iki il həbs cəzası sonradan apellyasiya məhkəməsinin qərarı ilə şərti cəza hesab edildi və o, azadlığa buraxıldı. Ondan sonra ailə üzvlərimizə ara-sıra təzyiqlər, təhdidlər olurdu. İndi isə mühacirətdə olan digər siyasi fəalların ailə üzvlərinə qarşı edilən repressiya dalğası mənim ailə üzvlərimə qarşı da yönəlib", - T.Sadıqlı Turan-a bildirib.
Rəsmi qurumlar siyasi fəalın atasının saxlanılmasının səbəbləri ilə bağlı hələ hər hansı məlumat verməyiblər.-0
* * *
2018 Fevral 19 (Bazar ertəsi) 13:29:46
Mühacirətdə olan siyasi fəal atasının saxlanıldığını bildirib
Bakı/18.02.18/Turan: Almaniyada mühacirətdə olan siyasi fəal Tural Sadıqlının Bakının Sabunçu rayonunun, Romanı qəsəbəsində yaşayan 65 yaşlı atası Əlövsət Sadıqlı və onkololoji xəstə olan qonşusu fevralın 18-də axşam saatlarında saxlanılıb.
Tural Sadıqlı Azərbaycanın yüksək vəzifəli rəsmilərini kəskin tənqidləri ilə tanınır. O, həmçinin Avropa ölkələrində Azərbaycan iqtidarına qarşı keçirilən etiraz aksiyalarının fəal iştirakçılarındandır.
"Atam və qonşumuzun hara aparıldığı bəlli deyil. Evimizin ətrafında hələ də polis maşınları dayanıb. Onlar qardaşımı da axtarırlar", Tural Sadıqlı Turana bildirib.
Xatırladaq ki, Tural Sadıqlının qardaşı və atası 2015-ci ildə də saxlanılıb. O, ailəsinə qarşı təzyiqlərin siyasi fəaliyyəti ilə bağlı olduğunu bildirib.
"2015-ci ildə yanvarın 21-də İlham Əliyevlə Almaniya kansleri Angele Merkelin görüşü zamanı bizim etiraz aksiyamızdan bir neçə həftə sonra fevralın 13-də atam və qardaşım Elgiz həbs edildi. Qardaşıma verilmiş iki illik həbs sonradan apellyasiya məhkəməsinin qərarı ilə şərti cəza hesab edilərək azadlığa buraxıldı. Ondan sonra ailə üzvlərimizə ara-sıra təzyiqlər, təhdidlər olurdu. İndi isə mühacirətdə olan digər siyasi fəalların ailə üzvlərinə qarşı edilən repressiya dalğası mənim ailə üzvlərimə qarşı da yönəlib", Tural Sadıqlı Turana bildirib.
Siyasi fəalın atası Əlövsət Sadıqlının mobil telefonuna hazırda zəng çatır. Telefona cavab verən olmur və kim isə telefonu dərhal qapadır.
Rəsmi qurumlar siyasi fəalın saxlanılmasının səbəbləri ilə bağlı hələ hər hansı məlumat verməyib.-03D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz