Siyasi məhbus aclıq aksiyasına başlayıb
Hazırda 17 saylı Cəzaçəkmə Müəsissəsində saxlanılan dindar Həşimov Natiq Mirzəki oğlu 30 noyabr tarixindən aclıq aksiyasına başlayıb.
Həşimovun yaxınlarına onun ictimaiyyətə müraciətini yayıb.
“Mən 30 ildir ağır şəkər xəstəsiyəm. Pentensiar Xidmətin Müalicə Müəssiəsində şəkərimə görə müalicə alırdım. 30 noyabr, səhər məni qəfil 17 saylı Cəzaçəkmə Müəssisəsinə geri qaytardılar. Mənə köçürülmə ilə bağlı heç bir xəbərdarlıq edilmədiyinə görə çəkələkdə çıxdım ordan. Bütün dərmanlarım da orda qaldı. Müalicəm başa çatmamış, heç bir səbəb göstərilmədən məni qəfil, xəbərsiz köçürdüklərinə görə ilk gündən aclıq aksiyasına başlamışam və insulindən imtina etmişəm. Artıq evə zəng etməkdən də imtina etmişəm”, - deyə müraciətdə bildirilir
Həşimov onu da bildirib ki, ona qarşı bu haqsızlığı Müalicə Müəssisəsinin “Vüsalə və Qulu adlı həkimlər edib”.
“Məni 17 saylı Cəzaçəkmə Müəsissəsindən Müalicə Mərkəzinə Pentensiar Xidmətin Əməliyyat-rejim İdarəsinin rəisi Fikrət Qafarov göndərmişdi. O, cəzaçəkmə müəssiəsnə gələndə mənim vəziyyətimi gördü və dedi ki, sən müalicə olunmalısan. Mənə bu problemi Pentensiar Xidmət deyil, həkimlərim Vüsalə və Qulu yaradıb. Şəkər 600-ə, qan təzyiqim 160-a qalxır. Hər an komaya düşə bilərəm. Bütün bunlara baxmayaraq, aclıq aksiyasını dayanadırmayacam. Mən qidadan imtina etmişəm ancaq su içirəm və içdiyim suyu da qusuram. Qollarıma girib məni ayağa qaldırırlar”, - daha sonra Həşimov bildirilir.
Penitensiar xidmətdən şərh almaq mümkün olmayıb.
1984-ci il təvəllüdlü Sumqayıt sakini, ikinci qurup əlil Həşimov Natiq Mirzəki oğlu 12 may 2023-cü il tarixində saxlanılıb. Onu Sumqayıt Şəhər Polis İdarəsinin əməkdaşları saxlayıb və haqqında CM-nin 234.4.3 maddəsi ilə cinayət işi açılıb.
24 iyun 2024-cü il tarixində Sumqayıt Ağır Cinayətlər Məhkəməsində keçirilən sonuncu prosesdə 234.4.3 maddəsi 234.1-1-ə tövsif olunub. Məhkəmənin hökmü ilə Natiq Həşimov 3 il müddətinə azadlıqdan məhrum edilib.
Həşimovun ailəsi bildirib ki, ona Sumqayıt Polis İdarəsində işgəncələr veriblər.
Hüquq müdafiəçiləri onu siyasi məhbus kimi tanıyıb.
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz