Siyasi Məhbusların Monitorinqi Mərkəzi cəzaçəkmə müəssisəsində Mövsüm Səmədova təzyiqi pisləyib
Azərbaycan İslam Partiyasının liderinin növbəti dəfə karserə salınması ölkə hakimiyyətinin dini fəallara qarşı total repressiya siyasətinin daha bir parlaq nümunəsidir. Bu barədə Siyasi Məhbusların Monitorinqi Mərkəzinin martın 23-də yaydığı bəyanatda deyilir.
Bəyanat müəllifləri qeyd edirlər ki, Dini Qurumlarla İş üzrə Dövlət Komitəsinin sədri vəzifəsinə hakim Yeni Azərbaycan Partiyasının icraçı katibinin müavini Mübariz Qurbanlının təyin edilməsindən sonra dini fəalların təqibi siyasəti xüsusilə geniş yayılıb.
"Biz İslam Partiyasının lideri Mövsüm Səmədovun uzun müddətə karserə salınmasını qətiyyətlə pisləyirik. Hesab edirik ki, onu tamamilə əsassız cəzalandırırlar. O, yüksək əxlaqlı insandır və məhbusların arasında yalnız mənəvi nüfuza sahibdir. Biz qətiyyətlə Səmədovun cəza kamerasından çıxarılmasını və həbsdə belə təqibinə son qoyulmasını tələb edirik", deyə Siyasi Məhbusların Monitorinqi Mərkəzinin rəhbəri Elşən Həsənov bildirib.
* Səmədov 2011-ci ilin yanvarında hakimiyyəti ələ keçirməyə cəhd və qanunsuz silah saxlama ittihamı ilə bir qrup AİP fəalı ilə birlikdə həbs olunub və 12 il azadlıqdan məhrumetmə cəzasına məhkum edilib. Avropa İnsan Hüquqları Məhkəməsi onun şikayəti üzrə kommunikasiyaya başlayıb. Martda o, üç dəfə karserə salınıb.
* Siyasi Məhbusların Monitorinqi Mərkəzi 2014-cü ilin oktyabrında bir qrup keçmiş "vicdan məhbusu" tərəfindən yaradılıb. -06D-
-
- Cəmiyyət
- 23 Mart 2017 13:10
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz