![Siyasi Məhbusların Monitorinqi Mərkəzi Leyla və Arif Yunusların ölkədən çıxmasına icazə verilməsinə çağırır](https://turan.az/resized/./turan-750-500-resize.webp)
Siyasi Məhbusların Monitorinqi Mərkəzi Leyla və Arif Yunusların ölkədən çıxmasına icazə verilməsinə çağırır
Siyasi Məhbusların Monitorinqi Mərkəzi Leyla və Arif Yunusların səhhətindən narahatlığını bildirərək hökuməti onların müalicə üçün xaricə getməsinə imkan yaradılmasına çağırıb.
Leyla və Arif Yunuslar 2014-cü ilin iyul-avqust aylarında həbs olunublar. 2015-ci ildə əmlakları müsadirə olunmaqla 8,5 və 7 il müddətinə azadlıqdan məhrum ediliblər.
Həbsdən sonra Bakı Apellyasiya Məhkəməsi A.Yunusun barəsində hökmü dəyişib. Sonradan L.Yunus da beş il müddətinə “şərti” cəzalandırılıb. Lakin məhkəmə onların müalicə üçün xaricə getməsinə icazə verməyib.
A.Yunus hipertoniyadan, L.Yunus hepatit C, şəkər xəstəliyindən əziyyət çəkirlər. Buna baxmayaraq, onların müalicə üçün xaricə getməsinə imkan verilmir. Bunu Siyasi Məhbusların Monitorinqi Mərkəzinin rəhbəri Elşən Həsənov Turan agentliyinə bildirib.
“Leyla və Arif Yunusların yaşını, onlara ixtisaslaşdırılmış tibbi yardımın göstərilməsinin vacibliyini nəzərə alaraq hakimiyyəti onların ölkədən çıxmasına icazə verilməsinə çağırırıq”, - E.Həsənov vurğulayıb.
Həmçinin Mərkəz siyasi mühacirlərin qohumlarının, əsasən “Meydan” TV-nin rəhbəri Emin Millinin, “Azadlıq” qəzetinin baş redaktoru Qənimət Zahidin qohumlarının həbsini pisləyib, bunu “əsassız və siyasi həbslər” kimi qiymətləndirib.06D-
-
- Cəmiyyət
- 19 Fevral 2016 12:21
-
- İqtisadiyyat
- 19 Fevral 2016 13:34
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz