“Baltika-Bakı” şirkəti Fransada keçiriləcək UEFA Avro-2016 çempionatının rəsmi sponsoru olub. İlin ən önəmli futbol hadisəsi münasibətilə şirkət Avro-2016-ya həsr olunmuş “Xırdalan” brendinin məhdud sayda seriyasını istehsal etməyi nəzərdə tutur.
“Baltika-Bakı” şirkətinin Baş direktoru Sergey Tolmaçev: “Biz ilk dəfə olaraq ümumavropa futbol bayramının bir hissəsi olmaqdan məmnunluq duyuruq. Pivə bütün dünyada futbol azarkeşlərinin sevimli içkisi hesab edilir və bu il şirkətimiz xüsusilə Avro-2016 üçün məhdud sayda “Xırdalan” pivəsi istehsal edərək Azərbaycandakı futbol fanatlarını sevindirməyə, eləcə də bu böyük idman hadisəsini istehlakçılarımız üçün daha da rəngarəng etməyə hədəflənir”.
“Xırdalan” pivəsi ölkədə bir nömrəli pivə brendi hesab edilir və müxtəlif qablaşdırmalarda (şüşə butulka, plastik butulka, banka) buraxılır. Brendin pivə bazarında iştirak payı 30% təşkil edir. İçkinin alkoqol tərkibi 4.8%-dir.
“Baltika-Baku” pivə zavodu Bakıdan 10 km. məsafədə Xırdalanda yerləşir. Carslberg Group-un hissəsi olan “Baltika” şirkəti zavodu 2008-ci ildə əldə edib və 2009 ilin may ayında rekonstruksiyadan sonra istifadəyə verib. “Baltika-Bakı” şirkətinin dövlət büdcəsinə illik ödəmələri 20 milyon AZN, zavodun inkişafına ayırdığı ümumi investisiya isə 47 milyon AZN təşkil edir.
Zavodun istehsal gücü ildə 10 milyon dekalitrdir. Şirkətdə 250 işçi və 400 vasitəçi (distributor, agentlik, icraçı) çalışır.
“Baltika-Bakı” məhsulları pivə sənayesi üzrə Azərbaycan bazarının 75 %-nı təşkil edir (2015-ci il). Şirkət “Xırdalan®”, “Tuborg®”, “Baltika 7®”, “Baltika 0®”, “Baltika 9®”, “Xırdalan Draft®”, “Kuler®”, “Əfsanə®”, “33 Export”, “Jiqulyovskoye Firmennoye®” kimi tanınmış brendləri istehsal edir. 08D
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz