![Siyasi Məhbusların Monitorinqi Mərkəzi: Yunusların hüquqlarına hörmət edin!](https://turan.az/resized/750/500/resize/media/2015/main/080200124897.jpg)
Siyasi Məhbusların Monitorinqi Mərkəzi: Yunusların hüquqlarına hörmət edin!
Siyasi Məhbusların Monitorinqi Mərkəzi hüquq müdafiəçiləri Leyla və Arif Yunusun işi üzrə istintaqın və məhkəmənin kobud prosessual pozuntularla keçirildiyi haqqında bəyanat yayıb.
Mərkəzin Turan agentliyinə daxil olmuş bəyanatında deyilir ki, hələ ibtidai istintaq zamanı müdafiə tərəfinin bütün vəsatətləri təmin edilməyib. Bu zaman üç vəkil - Əlaif Həsənov, Cavad Cavadov və Xalid Bağırov əsassız olaraq prosesdən uzaqlaşdırılıb.
Məhkəmə prosesi ilk gündən kobud prosessual pozuntularla müşaiyət olunur, vətəndaş cəmiyyətinin, mətbuatın, beynəlxalq təşkilatların və diplomatların iclasda iştirakı məhdudlaşdırılır.
“Bütün bunlar yüksək vəzifəli məmurların qanunsuz müdaxiləsini, dövlət aparatının istintaq və məhkəmə orqanlarına təzyiqini göstərir”, deyə bəyanatda qeyd edilir.
Sonda hakimiyyətdən Yunuslara qarşı özbaşınalığa son qoymaq, onların Konstitusiya hüquqlarına riayət etmək və məhbusların insan ləyaqətinə hörmət etmək tələbi yer alır.
* Siyasi Məhbusları Monitorinq Mərkəzi 2014-cü ilin oktyabrında bir qrup keçmiş “vicdan məhbusu” tərəfindən yaradılıb. Təşkilata hüquq müdafiəçisi Elşən Həsənov rəhbərlik edir. -06D-
-
- İqtisadiyyat
- 1 Avqust 2015 12:58
-
- İqtisadiyyat Göstəriciləri
- 1 Avqust 2015 15:36
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz