Эльшан Гасанов
Bakı/04.06.21/Turan: İyunun 4-də "Azərbaycanda Siyasi Məhbusların Azadlığı Naminə" İttifaq siyasi motivlərlə həbs edilmiş və mühakimə olunmuş şəxslərin yeni siyahısını açıqlayıb.
İttifaqın koordinatoru Elşən Həsənov Turan-a bildirib ki, yenilənmiş siyahıda 121 nəfər var ki, onlar yeddi qrupa ayrılıb.
“Jurnalistlər və blogerlər" qrupu - 7 nəfər;
"Müxalifət partiyalarının və hərəkatların üzvləri" kateqoriyasında -6 nəfər;
"14-15 iyul 2020-ci il mitinqindən sonra həbs olunanlar" qrupu -3 nəfər;
"Dindarlar " -19;
"Tərtər işi üzrə mühakimə olunanlar " - 27;
“Gəncə işi üzrə mühakimə olunanlar" - 45;
"Ömürlük məhkumlar" – 14;
Aprel ayının əvvəlində açıqlanmış öncəki siyahıda 111 soyad olub. O vaxtdan siyahı 121 nəfərə qədər artıb. Siyahıya "Tərtər işi" üzrə keçən iki nəfər - Seymur Həsənov və Vaqif Əliyev əlavə edilib;
Gəncə hadisələrində ittiham olunan yeddi nəfər: Fürudin Zeynalov, Rasim Mustafayev, Akif Əliyev, Ceyhun Qurbanov, Ceyhun Salahov, Cəfər Zalov, Mahir Əzizov;
Müsəlman Birliyi Hərəkatının üzvü Vüqar Hacıyev.
"Azərbaycanda siyasi məhbuslarla bağlı problem həll edilmir, onların sıraları mütəmadi olaraq genişlənir. Avropa Şurasının üzvü olan kiçik ölkə üçün 120 - dən artıq siyasi məhbus böyük rəqəmdir", - Elşən Həsənov bildirib. –06D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz