![Siyasi məhbusun oğluna atasını azad etməyi vəd ediblər](https://turan.az/resized/./turan-750-500-resize.webp)
Siyasi məhbusun oğluna atasını azad etməyi vəd ediblər
Bakı/28.09.18/Turan: Azərbaycan Xalq Cəbhəsi Partiyası (AXCP) sədrinin həbsdə olan müşaviri Məmməd İbrahim sentyabrın 29-da azadlığa çıxacaq. Bu barədə onun oğlu Turan İbrahimə 16 saylı cəzaçəkmə müəssisəsinin rəisi Şahin Həsənov bildirib.
Məmməd İbrahim həbs cəzasını məhz bu cəzaçəkmə müəssisəsində çəkir, iki gün əvvəl burada o, karserə salınıb.
Oğlunun sözlərinə görə, İbrahim sentyabrın 27-də guya yastığının altından bıçaq tapıldığına görə karserə salınıb. Bu, onun azadlığa çıxmasından iki gün əvvəl baş verib.
İbrahimin yaxınları və AXCP üzvləri bu faktı ona qarşı yeni ittiham irəli sürmək və yeni maddə ilə mühakimə edərək, azadlığa buraxmamaq məqsədilə törədilmiş təxribat kimi qiymətləndiriblər.
Xatırladaq ki, Məmməd İbrahim 30 sentyabr 2015-ci il tarixində həbs edilib və sonradan CM-in 221.2.2 (xuliqanlıq, polisə müqavimət göstərməklə törədildikdə) maddəsi ilə 3 il müddətinə azadlıqdan məhrumetmə cəzasına məhkum edilib. O, hüquq müdafiəçiləri tərəfindən siyasi məhbus kimi tanınıb. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz