Bakı /30.04.18/Turan: Avropada siyasi mühacirətdə olan fəal və bloger Orduxan Temirxan qohumu Tural Əliyevin həbs olunduğunu bildirib.
Bakı Dövlət Universitetinin kimya fakültəsinin tələbəsi, 19 yaşlı gənc aprelin 27-də günorta saatlarında saxlanılıb.
Onu bir sutka DİN Baş Mütəşəkkil Cinayətkarlıqla Mübarizə İdarəsində saxlayıblar, sonra məhkəmə polisə tabe olmamaq ittihamı ilə 2 ay müddətinə həbs edib.
Hələ fevral ayında O.Temirxan qohumları Səbuhi Zeynalov və Tural Əliyevin 30 sutka həbs edildiyini bildirmişdi. Bir il öncə polis blogerin 10-dan çox qohumunu saxlamışdı. Onların arasında südəmər uşaq da olub. Sonradan iki qohum inzibati qaydada həbs edilib. Fəal bildirib ki, qohumları onun Avropada Azərbaycan hakimiyyətinə qarşı təşkil etdiyi etiraz aksiyalarna görə təqib olunur.-06D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz