Skuterçilər yol hərəkəti qaydalarına daxil ediləcəklər

Mayın 25-də Dənizkənarı Milli Parkda bədbəxt hadisə baş verib.Yüksək sürətlə hərəkət edən  skuterçi yıxılraq başından ağır xəsarət alıb. Qız çox qan itirib. Yoldan keçənlər təcili yardım briqadasını çağırıblar, qızı xəstəxanaya aparıblar. Sonradan bulvar rəhbərliyi bildirib ki, qız skuterçilər üçün qadağan olunmuş ərazidə skuter sürüb.

Diqqəti zərbə nəticəsində başından aldığı ağır zədəyə yönəldir. Əgər qız kaska taxsaydı, yüngül xəsarətlə qurtula bilərdi. Ancaq Azərbaycanda qanun skuterçilərdən kaska taxmağı tələb etmir.

Skuter adı altında yüngül ikitəkərli mopedlər və samokatlar ailəsi başa düşülür. Son illərdə Bakıda birsaatlıq kirayə verilən elektrikli skuterlər ortaya çıxıb və populyarlaşıb. Bakıda müştərilərə skuter icarəsi təklif edən Jet, Wingz,  EScooter.az,  Kontakt və Bolt  şirkətləri rəqabət aparırlar ki, onlar  samokat modelləri və parklanma yerlərinin sayı ilə fərqlənirlər. Qiymət bir saat üçün orta hesabla 5 AZN və ya gün boyu 10 AZN təşkil edir.

Azərbaycanda motosiklet, skuter və velosiped sürənlərin hamısı qoruyucu kaska taxmalı və nəqliyyat vasitələrini işığı əks etdirən elementlərlə təchiz etməlidirlər. Yol hərəkəti qaydalarının 388-ci bəndinin pozulmasına görə 20-100 manat cərimə nəzərdə tutulur.

Ancaq göründüyü kimi, Bakı küçələrində yol polisi başında kaska olmayan çoxsaylı skuterçi və velosipedçini görmür.

Şəhər yol polisinin baş müfəttişi, mayor Araz Əsgərli skuterçilər və digər yol istifadəçilərinə qarşı artan təhlükəni şərh edərkən deyib ki, hazırda yol hərəkəti qaydalarında skuterçilər fərqlənmirlər, çünki qanuna görə bu cür nəqliyyat vasitələrinin istifadəçiləri digər yol istifadəçilərinə bərabər tutulur.

O xəbərdarlıq edib ki,  yol hərəkəti qaydaları haqqında yeni qanunvericiliyə skuterçilər üçün konkret xatırlatma əlavə ediləcək. "Skuterçilər bu nəqliyyat vasitəsinin xüsusiyyətlərindən sui-istifadə etməməlidirlər: səkilərə çıxmamalı, təhlükəli ziqzaq şəkilli manevrlər etməməli, nəqliyyat vasitəsini adamların üstünə sürməməlidir. Skuterçilərdən qoruyucu kaska taxmaq tələb olunur", - Əsgərli mətbuat üçün əlavə edib.

Qeyd edək ki, təhlükəsizlik məqsədilə skuterçilər yalnız velosiped yollarında 25 kilometrdən çox olmayan sürətlə hərəkət edə bilər. Kəsişmələrdə sürət 15 kilometr/saatdan çox olmamalıdır. Samokat icarəyə götürənlər üçün proqramlarda sürətə nəzarət edən funksiyalar tətbiq olunur. Yaxın vaxtlarda parklarda və digər ictimai yerlərdə elektrikli samokatların sürət məhdudiyyəti funksiyası aktivləşdiriləcək. Müəyyən edilmiş sürət məhdudiyyətini aşdıqda və ya skuterlər qadağan edilmiş zonaya daxil olmağa çalışdıqda nəqliyyat vasitəsinin hərəkəti bloklanacaq", - Azərbaycan Yerüstü Nəqliyyat Agentliyindən bildiriblər.