Açiq mənbələrdən foto.
Bakı/21.08.23/Turan: Bakı Slavyan Universitetinin qiyabi təhsil şöbəsinin keçmiş müdiri Dürdanə Əliyeva 8 il müddətinə həbs oluna bilər. Bu cəzanı avqustun 21-də Bakı Ağır Cinayətlər Məhkəməsində həmin universitetdə rüşvətxorluq işi üzrə prosesdə dövlət ittihamçısı istəyib.
Prokuror məhkəmədən Əliyevanı irəli sürülən ittihamlarla təqsirli bilərək 8 il müddətinə azadlıqdan məhrum etməyi və məhkəmə zalında həbs etməyi xahiş edib.
Müdafiə tərəfi çıxışa hazırlaşmaq üçün vaxt istəyib və proses 8 sentyabra təxirə salınıb.
Əliyeva ittihamları qəbul etməyib və bildirib ki, tələbələrdən aldığı pulu universitetin o vaxtkı rektoru Nurlanə Əliyevaya verib. Lakin o da öz növbəsində Dürdanə Əliyevanı ittiham edir.
İttiham aktına görə, Əliyeva 2018-2021-ci illərdə şöbə müdiri olduğu vaxtda ümumilikdə 123 tələbədən təhsil haqqı ödənişi adı altında 226 min manat pul alıb. O, Azərbaycan Cinayət Məcəlləsinin 179.3.2 (külli miqdarda mənimsəmə), 178.3.2 (dələduzluq külli miqdarda ziyan vurmaqla törədildikdə), 311.1 (rüşvət alma) maddələrilə təqsirləndirilir.-0-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz