SMDT hakimiyyəti təzyiqlərə son qoymağa çağırıb
Seçkilərin Monitorinqi və Demokratiyanın Tədrisi Mərkəzi (SMDT) qururma olan təzyiqlərlə bağlı çərşənbə axşamı bəyanat yayıb.
Müəlliflər 2013-cü il oktyabrın 27-dən etibarən ölkə prokurorluğunun SMDT və tərəfdaşı Könüllülərin Beynəlxalq Əməkdaşlığı (KBƏ) İctimai Birliyinə qarşı cinayət işi başladığını bildirirlər. Bu cinayət işinin nəticəsi olaraq ötən bir ay ərzində hər iki qurumun fəaliyyətinin faktiki məhdudlaşmasına təəssüf ifadə edilir.
Müəlliflər qurum rəhbərinin, icraşı direktor və tərəfdaş təşkilatın rəhbərinin dəfələrlə şahid ifadələri verdiyini qeyd edirlər. Lakin ötən müddət ərzində istintaqın məqsədi ilə bağlı qeyri-müəyyənlik aradan qalxmayıb, cinayət işinin hüquqi əsasları bəlli olmayıb.
Müəlliflər hesab edirlər ki, dövlət orqanları tərəfindən seçki müşahidə təşkilatının peşə fəaliyyətinin araşdırılması ifadə azadlığı, birləşmək və seçki hüququna münasibətdə yolverilməzdir. Müəllfilər rəsmi Bakını ölkədə seçkilərin aşkarlığına çalışan qurumların fəaliyyətini inzibati təzyiqlər yolu ilə məhdudlaşdırma siyasətini dayandırmağa, siyasi iştirak imkanlarını təmin etməyə çağırırlar.
Sənəddə deylir ki, SMDT bütün seçkilərdə Avropa Şurası və ATƏT-in rəhbər prinsipləri əsasında azad və ədalətli seçki sistemi yaradılması yönündə daim çalışacağını, bu prosesdə maraqlı olan dövlət və qeyri-dövlət institutları, milli və beynəlxalq qurumlarla əməkdaşlıq edəcəyini bildirir.
Sənəddə xatırladılır ki, SMDT-nin qeydiyyatı 2008-ci ilin mayında Xətai rayon məhkəməsinin qərarı ilə ləğv edilib, ədliyyə nazilriyi indiyədək qurumu qeydiyyata almayıb. Ölkə məhkəmələri SMM və SMDT-nin şikayətlərini təmin etmədiyi üçün hər iki qurum Avropa məhkəməsinə müraciət edib.Qurum yaxın illərdə dövlət qeydiyyatına alınmaq üçün ədliyyə nazirliyinə müraciət etməyəcəyini, Avropa məhkəməsinin qərarını gözləyəcəyini bəyan edir.
Bu il oktyabrın 31-də ölkə prokurorluğu SMDTM-də axtarış aparıb. Prokuroluq quruma qarşı külli miqdarda vergidən yayınma, vəzifə səlahiyyətlərindən sui-istifadə, qanunsuz sahibkarlıq fəaliyyəti ilə məşğul olmaq maddələrilə cinayət işi qaldırıb, qurum əməkdaşları istintaqda dindirilib.-16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz