Bakı/07.03.19/Turan: Sosial şəbəkələrdə Azərbaycan siyasi məhbuslarının azad edilməsi tələbi ilə #hamısınıazadet #freethemall heştegi ilə kampaniya başlayıb.
Kampaniyanın təşəbbüsü Azərbaycanda və xaricdə yaşayan bir qrup fəala aiddir, bu barədə Turan-a kampaniyanın müəlliflərindən biri, İnsan Hüquqları Klubunun rəhbəri Rəsul Cəfərov bildirib.
"Biz bu kampaniyaya son vaxtlar baş verən hadisələri və hakimiyyətin addımlarını nəzərə alaraq başladıq. Hesab edirik ki, bu addımlar ardıcıl olmalıdır. Bundan başqa, ənənəvi olaraq martda əvf və amnistiya olur. Növbəti belə təşəbbüsün bütün siyasi məhbuslara şamil olunmasını istəyirik. Son illər bu, cəmi 3-5 siyasi məhbusu əhatə edib", deyə Cəfərov qeyd edib.
Kampaniyanın məqsədi siyasi məhbuslar probleminin kökündən həllidir. Onun sözlərinə görə, bloger Mehman Hüseynovun müdafiəsi məsələsində vətəndaşların birliyi, hökumətin son addımları bütün digər siyasi məhbusların azad ediləcəyi ümidi yaradır.
Cəfərov son vaxtlar hakimiyyətin ictimai rəyi nəzərə almağa başladığı, Prezident Administrasiyası və hüquq-mühafizə orqanlarının sosial şəbəkələri diqqətlə izlədiyi barədə fikir bildirib.
Kampaniya martın 6-da başlayıb. Bütün arzu edənlər kampaniyada iştirak edə bilərlər. Kampaniya iştirakçılarının sayı durmadan artır.
Hüquq müdafiə təşkilatlarının məlumatına görə, Azərbaycanda hazırda 130 siyasi məhbus var. -03B06-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz