![STP Mətbuat Günü ərəfəsində KİV-in vəziyyətinə dair dinləmələr keçirəcək](https://turan.az/resized/750/500/resize/media/2016/main/070900161479.jpg)
STP Mətbuat Günü ərəfəsində KİV-in vəziyyətinə dair dinləmələr keçirəcək
Sivil Toplum Platforması (STP) iyulun 22-də qeyd olunan Azərbaycan Mətbuatı Günündə ölkə KİV-in hazırki durumuna həsr olunmuş konfrans keçirməyi qərara alıb.
STP-nin iyulun 9-da keçirilən iclasında ilkin olaraq tədbirin Beynəlxaq Mətbuat Mərkəzində keçirilməsi qərara alınıb və bununla bağlı müvafiq müraciət göndəriləcək.
Platforma “Azərbaycanda açıq hökumət təşəbbüsünün yayılması və bu prosesdə vətəndaş cəmiyyətinin iştirakının genişləndirilməsi” haqda mövqe sənədini dəstəkləyib.
Sənədin təşəbbüsçüsü bəzi qeyri-hökumət təşkilatlarının nümayəndələridir. Sənəd Azərbaycanın Açıq Hökumət Təşəbbüsünün tamhüquqlu üzvü kimi statusunun bərpasına yönəlib.
İclasda qeyri-hökumət sektorunun hazırki durumu, həmçinin son illər qeyri-hökumət təşkilatlarına qarşı hökumət tərəfindən tətbiq edilən məhdudiyyətlərin aradan qaldırılması üzrə nəzərdə tutulan tədbirlərlə bağlı hərtərəfli sənədin hazırlanması və qəbulu məsələsi müzakirə edilərək dəstəklənib.
Sənəd iyulun sonunadək ictimaiyyətə təqdim olunacaq. Həmçinin bir sıra təşkilati və cari məsələlər müzakirə olunub. STP son həbslərlə, jurnalistlərə və vətəndaş cəmiyyəti fəallarına qarşı təqiblərlə bağlı narazılığını bildirib.—0—
-
- Söz istəyirəm
- 9 İyul 2016 14:16
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz