• flag_EN
    • flag_RU

Son yenilənmə

(8 saat əvvəl)
Su kəmərində baş vermiş qəza nəticəsində həyətlər su altında qalıb
A- A A+
RU
Turan İnformasiya Agentliyi
Turan İnformasiya Agentliyi

Su kəmərində baş vermiş qəza nəticəsində həyətlər su altında qalıb

Bakıda su kəmərində baş vermiş qəza  nəticəsində bir neçə  fərdi yaşayış evinin həyətləri də su altında qalıb.

 
Azərsu” Açıq Səhmdar Cəmiyyətinin mətbuat xidmətinin məlumatına görə qəza  Kür Sutəmizləyici Qurğular Kompleksindən  Binəqədi nasos stansiyasına içməli su nəql edən 1200 mm diametrli, yüksəktəzyiqli magistral su kəmərinin Biləcəri  qəsəbəsi X.Məlikaslanov küçəsi 3-cü döngə ərazisindən keçən hissəsində baş verib.
 
Məlumata görə su kəmərinin mühafizə zolağında bir neçə il öncə qeyri-qanuni inşa edilmiş 23 nömrəli fərdi yaşayış evinin altında  olub.
 
 Beləki həmin ərazidə fərdi yaşayış evlərinin inşası zamanı tikinti qaydalarına əməl olunmaması, evlərin magistral su xəttinin mühafizə zonasında tikilməsi qəzanın aradan qaldırılmasında müəyyən çətinliklər yaradıb.
 
“Azərsu” ASC bir daha bəyan edir ki, magistral su  kəmərlərinin mühafizə zolağında fərdi yaşayış evi və kommersiya obyektlərinin inşası yolverilməzdir. Fərdi yaşayış evi və ya kommersiya obyektlərinin tikintisi zamanı ərazilər seçilərkən kommunal infrastruktur şəraiti düzgün qiymətləndirilməli, tikinti işlərinin aparılması üçün müvafiq dövlət qurumlarından, o cümlədən kommunal xidmət müəssisələrindən müvafiq rəy alınmalıdır.
 
Qeyd edək ki, Bakı şəhəri Binəqədi rayonun Biləcəri qəsəbəsi ərazisindən böyük diametri, yüksəktəzyiqli 7 magistral su xətti keçir. 1990-cı illərin ortalarında magistral kəmərlərin keçdiyi ərazilərdə qeyri-qanuni şəkildə fərdi yaşayış evləri və kommersiya obyektləri tikilib.-16D--

Rəy yaz

Cəmiyyət

Bizi sosial şəbəkələrdə izləyin

Xəbər lenti