Sübhi küçəsi, 2 ünvanda yerləşən binanın qəza vəziyyətinə düşməsində Bakı Şəhər İcra Hakimiyyəti günahkardır
Bakı Şəhər Xəzər Rayon İcra Hakimiyyəti Buzovna qəsəbəsi, Sübhi küçəsi, 2 ünvandakı doqquzmərtəbəli yaşayış evinin problemlərindən yayınır.
Belə ki, Rayon İcra Hakimiyyəti problemi paytaxt İcra Hakimiyyətinin üzərinə qoyub. Turan agentliyinin göndərdiyi məktunda deyilir ki, sözügedən bina Bakı Şəhər İcra Hakimiyyəti Mənzil-Kommunal Təsərrüfatı Departamentinin 1 saylı Xüsusi Təyinatlı Mənzil-Kommunal Təsərrüfat Birliyinin balansındadır.
Təəsüf ki, paytaxt İcra Hakimiyyətinin başçısı Hacıbala Abutalıbov bu dəfə də qanunu pozaraq informasiya azadlığı və KİV haqqında qanunlara uyğun olaraq agentliyin informasiya sorğusuna cavab verməyib. Lakin Turan agentliyi araşdırıb ki, binanın dövlət vəsaiti hesabına üzlənməsi ilə Azimport MMC şirkəti məşğul olub və işləri başa çatdırmayıb.
Agentlik dekabrın 7-də bu barədə yazıb http://contact.az/docs/2015/Social/120600139072ru.htm#.Vm1-l0qLTIU, lakin vəziyyətin dəyişməsi üçün heç bir tədbir görülməyib. Bununla əlaqədar Turan agentliyi Sübhi, küçəsi, 2 ünvanda yerləşən binanın təmir işlərinin başa çatdırılmamasında, sakinlərə və dövlətə zərər dəyməsində günahı olan şəxslərin məsuliyyətə cəlb edilməsi üçün müvafiq instansiyalara müraciət edəcək. 0—
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz