Ötən gün Tbilisidə tanınmış azərbaycanlı jurnalist, Azərbaycan dilində çıxan qəzetə 40 ildən çox rəhbərlik etmiş Süleyman Süleymanov 79 yaşında vəfat edib. O həmçinin 1992-ci ildə yaradılmış Gürcüstan Azərbaycanlıları Birliyinə rəhbərlik edib.
S.Süleyman 1935-ci il mayın 5-də Gürcüstanın Marneuli rayonunda anadan olub. 1960-cı ildə Tbilisi Pedaqoji Universitetinin Azərbaycan ədəbiyyatı və tarixi fakültəsini bitirib.
Ali məktəbi bitirdikdən sonra komsomol və partiya orqanlarında çalışıb.
1972-ci ildə S.Süleymanov Azərbaycan dilində nəşr olunan “Sovet Gürcüstanı” qəzetinə, 1990-cı ildən isə “Gürcüstan” nəşrinə rəhbərlik edib.
92 iilik tarixi olan bu qəzet Gürcüstanda azərbaycanlıların maarifləndirmə, onlarda milli özünüdərkin və mədəniyyətin inkişafı mərkəzinə çevrilib.
S.Süleymanovun redaktəsi ilə qəzet Gürcücə-Azərbaycanca lüğətin nəşrini hazırlayıb.
Həmçinin Gürcüstanın tarixi və coğrafiyası Azərbaycan dilinə tərcümə edilib, müxtəlif danışıq kitabçaları, bukletlər, məktəblilər üçün dərs vəsaitləri nəşr edilib.
S.Süleymanov həmçinin Süleyman Əfəndi yaradıcı təxəllüsü ilə tanınıb və 1990-2000-ci illərdə BBC radiostansiyasının Azərbaycan xidməti üçün Gürcüstandakı azərbaycanlıların həyatı haqqında reportajlar hazırlayıb.
O, Gürcüstan SSR Ali Sovetinin deputatı seçilib, 1981-ci ildə “Şərəf nişanı” ordeni, 1997-ci ildə müstəqil Gürcüstanın “Şərəf” ordeni ilə təltif edilib, əməkdar mədəniyyət işçisi adına layiq görülüb.
1992-ci ildə S.Süleymanov Gürcüstan Azərbaycanlıları Birliyinin sədri seçilib və ömrünün sonunadək onun əvəzsiz rəhbəri olub. Bu təşkilat ictimai qurum olaraq 1990-cı illərin əvvəllərində ağır dövrdə Gürcüstan azərbaycanlılarının hüquqlarının və maraqlarının əsas müdafiə mərkəzinə çevrilib.
Turan agentliyi mərhumun doğmalarına və yaxınlarına dərin hüznlə başsağlığı verir.
Allah rəhmət eləsin. -0-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz