“Sumqayıt Gənclərinin Hüquqi Maarifləndirilməsi” İctimai Birliyi bu il noyabrın 1-də Milli Məclisə keçiriləcək seçkilərdə müşahidəçilik missiyasını yerinə yetirmək niyyətindədir.
Təşkilatın rəhbəri Elçin Məmməd bildirib ki, layihə Avropa Şurası və Beynəlxalq İnsan Hüquqları Müdafiəsi Assosiasiyasının dəstəyilə həyata keçiriləcək.
Nəzərə alsaq ki, ilk dəfədir ki, Azərbaycanda seçkiləri ATƏT izləməyəcək, bu zaman yerli vətəndaş cəmiyyəti institutlarının üzərinə böyük məsuliyyət düşür.
Layihədə məqsəd parlament seçkilərinə ictimai nəzarəti artırmaq, seçkilərin beynəlxalq standartlara uyğun keçirilməsini təmin etməkdir.
Layihə çərçivəsində müşahidəçilərin bacarıqlarının artırılması üçün təlimlər keçiriləcək. Bundan əlavə, müşahidəçilər üçün yaddaş kitabçaları, təlimatlar nəşr ediləcək.
Monitorinq 450 seçki məntəqəsi və 21 seçki dairəsini əhatə edəcək.
Layihəyə Ukraynanın Beynəlxalq Siyasi Təhsil Mərkəzi və Kiyev Beynəlxalq Sosiologiya İnstitutu dəstək olacaq.—06D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz