Bakı Ağır Cinayətlər Məhkəməsində Mirzə Xankişiyevin sədrliyi ilə bu gün Suriyada hökumət qoşunlarına qarşı döyüş əməliyyatlarında iştirakda ittiham olunan bir qrup şəxs barəsində hökm oxunub.
Məhkəmə Sənan Baxışov, Ruslan Cəfərov, Əhməd Həsənov, Maarif Mərdanovu 15 il, Eldost Quliyev və Məmmədşah Məmmədəliyevi 14 il müddətinə azadlıqdan məhrum edib.
Onlar qanunsuz silah saxlamaqda, xaricdə qanunsuz silahlı birləşmələrdə iştirak etməkdə, terrorizmdə təqsirli biliniblər.
İstintaqın məlumatına görə, onlar “Ən-Nüsrə” qruplaşmasının tərkibində döyüşüblər.
Proses zamanı təqsirləndirilən şəxslər məhkəməni qəbul etməkdən və ifadə verməkdən imtina ediblər. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz