![Açiq mənbələrdən foto.](https://turan.az/resized/media/2023/main/062200063644-750-500-resize.webp)
Açiq mənbələrdən foto.
Suriyada qanunsuz silahlı birləşmələrdə iştirak etməkdə ittiham olunanlar həbs edilib
Bakı/22.06.23/Turan: Azərbaycan Dövlət Təhlükəsizliyi Xidməti Suriya ərazisində qanunsuz silahlı birləşmələrin tərkibində iştirak etməkdə ittiham olunan 13 nəfər ölkə vətəndaşının saxlanıldığını bildirib.
Əsasən Dövlət Təhlükəsizliyi Xidmətinin apardığı araşdırma nəticəsində "terror aktlarının törədilməsilə müşayiət olunan silahlı münaqişələrdə iştirak etmək məqsədilə" həmin şəxslərin Suriya ərazisinə "qanunsuz daxil olması" faktları müəyyən edilib, - qurumun məlumatında deyilir.
Xüsusi təlim düşərgəsində təlim keçmiş qrup üzvləri İdlibdə "Tayfatul Mansura" adlı qanunsuz silahlı dəstənin tərkibində döyüşlərdə iştirak ediblər. Həmin şəxslərin şəxsiyyəti müəyyən edilib və barəsində beynəlxalq axtarış elan edilib, - press-relizdə deyilir.
Yuxarıda göstərilən cinayətlərdə şübhəli bilinən on üç nəfər görülmüş tədbirlər nəticəsində saxlanılıb və Azərbaycana ekstradisiya edilib.
Məlumatda saxlanılanların adları açıqlanır: Şamil Toxud oğlu Abdullayev, Murad Əlibala oğlu Ağametov, Murad Firudin oğlu Quliyev, Fərhad İsa oğlu Rüstəmov, Sultan İdris oğlu Sultanov, Nəcməddin Nazir oğlu Hüseynov, Hikmət Sahib oğlu Mahmudov, Mais Telman oğlu Əliyev, İsmayıl Aydın oğlu İsmayılov, Şəhriyar Rəhim oğlu Babayev, Hacı Arif oğlu Muradov, Əlövsət Əlisəfa oğlu Baxışov və İntiqam Şirin oğlu Əsədov.
Həmin şəxslər Cinayət Məcəlləsinin 283-1.3-cü (Azərbaycan Respublikasının hüdudlarından kənarda silahlı münaqişələrdə iştirak etmək məqsədilə qrupların yaradılması, bu qruplarda, təlimlərdə və ya silahlı münaqişələrdə iştirak etmək ) maddəsilə təqsirləndirilən şəxs qismində cinayət məsuliyyətinə cəlb edilib, məhkəmənin qərarı ilə onların barəsində həbs qətimkan tədbiri seçilib, məlumatda deyilir.
Dövlət Təhlükəsizliyi Xidməti həbs olunanların ifadələrilə bağlı 6 dəqiqəlik video yayıb.
Cəmiyyət
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
-
Yeni xidmət şirkətlərə korporativ cihazları vahid həll vasitəsilə effektiv şəkildə idarə etmək imkanı verir İnnovativ məhsulları ilə müştərilərinin kibertəhlükəsizlik imkanlarını gücləndirməyi hədəfləyən Azercell Biznes “Mobil Cihazların İdarə Edilməsi” həllini istifadəyə verir. İş tapşırıqlarının məsafədən yerinə yetirilməsi məqsədi ilə əməkdaşlarını smartfon, planşet, əl terminalları və s. mobil cihazlarla təmin edən şirkətlər bu yenilikdən faydalana biləcək.
-
Azərbaycanda sentyabrın 1-də keçiriləcək növbədənkənar parlament seçkiləri ilə bağlı 950-ə yaxın müşahidəçi qeydə alınıb. Bunu iyulun 24-də Mərkəzi Seçki Komissiyasının (MSK) sədri Məzahir Pənahov deyib: "İyulun sonunda Avropada Təhlükəsizlik və Əməkdaşlıq Təşkilatının (ATƏT) uzunmüddətli müşahidəçiləri da Azərbaycana gələcək".
-
Hərbi prokurorluq Naxçıvanda yerləşən hərbi hissələrdən birinin komandiri olan Samir Həziyevi həbs edib.
Rəy yaz