![Jeyhun Bayramov and Ararat Mirzoyan](https://turan.az/resized/750/500/resize/media/2023/main/062200063645.webp)
Jeyhun Bayramov and Ararat Mirzoyan
Azərbaycan və Ermənistan Xarici İşlər nazirliklərinin rəhbərləri gələn həftə görüşəcəklər?
Bakı/22.06.23/Turan: Ermənistan və Azərbaycan Xarici İşlər nazirlikləri rəhbərlərinin Vaşinqtonda danışıqları gələn həftə keçiriləcək, Ermənistanın baş naziri Nikol Paşinyan bu gün hökumətin iclasında bildirib. Onun sözlərinə görə, Ermənistan-Azərbaycan münasibətlərində Yerevanın mövqeyi əvvəlki kimi qalır – sülhə nail olmaq və sülh müqaviləsini imzalamaq üçün hər cür səy göstərilməlidir.
"Gələn həftə Vaşinqtonda Ermənistan və Azərbaycan xarici işlər nazirlərinin görüşü keçiriləcək. Bizim nümayəndə heyətimiz ABŞ-a məhz bu yanaşma ilə yola düşür",- "Sputnik-Armeniya" Paşinyandan sitat gətirib.
Bundan öncə Ermənistan və Azərbaycan xarici işlər nazirləri arasında müzakirələrin növbəti raundu iyunun 12-də Vaşinqtonda planlaşdırılmışdı, lakin sonradan qeyri-müəyyən müddətə təxirə salındı. Vaşinqtonda nazirlərin əvvəlki danışıqları mayın 1-4-də baş tutub.
Ötən gün Dövlət Departamentinin rəsmi nümayəndəsinin birinci müavini Vedant Patel Turan-ın sualını cavablandırarkən bildirib ki, Azərbaycan və Ermənistan Xarici İşlər nazirlikləri rəhbərlərinin növbəti görüşü "yaxın vaxtlarda" planlaşdırılır.
Azərbaycan tərəfi nazirlərin qarşıdakı görüşü ilə bağlı Paşinyan və Patelin bəyanatlarını hələlik şərh etməyib. 06B
-
- İqtisadiyyat
- 22 İyun 2023 12:21
Siyasət
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
-
İyulun 25-də Bakı Ağır Cinayətlər Məhkəməsində narkotik ittihamı ilə həbs edilən fəal İlhamiz Quliyevin cinayət işi üzrə məhkəmə prosesi davam etdirilib.
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
Rəy yaz